"Фантастычная ноч у музеі-2016" у музеі палаца Румянцавых і Паскевічаў у Гомелі

"Фантастычная ноч у музеі-2016", прымеркаваная да Міжнароднага дня музеяў,  прайшла 20 мая ў гомельскім палацы Румянцавых і Паскевічаў. Госці акунуліся ў таямнічы свет старабеларускіх міфаў і паданняў, у якія верылі нашы продкі, а таксама даведаліся, як задобрыць дамавіка, уратавацца ад  лесуна ў дрымучым гушчары і пайсці жывым ад русалкі.