ЗДАБЫТАК БЕЛАРУСІ: народны пісьменнік Іван Шамякі

Яго кнігі выходзілі мільённымі тыражамі, пакараючы чытачоў інтрыгуючымі сюжэтамі і вострымі жыццёвымі тэмамі, перакладаліся на многія мовы свету, ператвараліся ў сцэнарыі кінафільмаў і тэатральных пастановак. Ён сам стаў не толькі народным пісьменнікам Беларусі, атрымаўшы ганаровае званне ў 1972 годзе, але сапраўды класікам нацыянальнай літаратуры ХХ стагоддзя – яшчэ пры жыцці.

У творчай спадчыне Івана Шамякіна – 12 раманаў, 26 аповесцей, 10 п'ес, дзясяткі апавяданняў, вялікая колькасць артыкулаў і нарысаў, дзённікі. Дарэчы, толькі ў 2014 годзе было завершана выданне найбольш поўнага з усіх існуючых і першага навукова каменціраванага збору твораў, у падрыхтоўцы якога прымалі ўдзел дочкі пісьменніка Таццяна і Алеся. У 23 тамах аб'яднана ўсё створанае Шамякіным за больш як шэсцьдзесят гадоў творчасці: вядома, з цягам часу штосьці страціла вастрыню і актуальнасць, стала называцца "налётам савецкай эпохі", але талент пісьменніка і яго асаблівы погляд на вечныя тэмы па-ранейшаму трымаюць чытачоў розных пакаленняў у напружанні. Сярод самых знакамітых і любімых твораў Івана Шамякіна – "Трывожнае шчасце", "Гандлярка і паэт", "Сэрца на далоні", "Глыбокая плынь", "Атланты і карыятыды", "Злая зорка", "Вазьму твой боль"…

У гонар юбілею Івана Шамякіна, якому 30 студзеня 2016 споўнілася б 95 гадоў – галерэя ўнікальных архіўных кадраў з жыцця народнага пісьменніка…

На фота: народны пісьменнік Беларусі, Герой Сацыялістычнай Працы, акадэмік Нацыянальнай акадэміі навук Іван Шамякін