Дзед Зімнік прымае гасцей у Іўеўскім раёне

У чароўным лесе на беразе ракі Гаўя ў Іўеўскім раёне (Гродзенская вобласць) пасяліліся персанажы дзіцячых казак: Дзед Зімнік, Баба-Яга, Кікімара і Салавей-разбойнік. Легенда расказвае, што брат Дзеда Мароза – Дзед Зімнік – не любіць тых, хто скардзіцца на сцюжу, а бадзёрым і вясёлым дорыць лясную моц і румянец. Згодна з народнымі прыкметамі, калі Зімнік выходзіць са свайго лесу, каб пагуляць па вёсках, пачынаюцца лютыя маразы.