Міжнародны форум "ТІБО-2015" у Мінску

У беларускай сталіцы адкрыўся XXII Міжнародны спецыялізаваны форум па тэлекамунікацыях, інфармацыйных і банкаўскіх тэхналогіях "ТІБО-2015". У гэтым годзе адна з буйных на прасторы СНД пляцовак перадавых распрацовак сабрала больш за 200 кампаній з 13 краін - Расіі, Германіі, ЗША, Кітая, Карэі, Японіі і іншых. І, вядома, тут прадстаўлены буйнейшыя беларускія ігракі інфармацыйнага рынку. На кожным стэндзе - цікавыя тэхнічныя рашэнні, сучасныя сродкі сувязі, эксклюзіўныя праграмы і новыя магчымасці мабільнага інтэрнэту. Акрамя таго, упершыню ў рамках "ТІБО" арганізавана робататэхнічная выстаўка: увагай гасцей завалодалі робат-гаспадар кампаніі "Хуавэй", адукацыйны робат з відэакамерай, робат-пыласос, андроід пазадарожны і з машынным зрокам і яшчэ дзясяткі разумных памочнікаў. Сярод навінак, якія ўжо ўкараняюцца ў розных сферах жыцця: сістэма дэтэктыравання інцыдэнтаў, устаноўленая ў тэставым рэжыме на мінскай кальцавой дарозе; тэрмінал самаабслугоўвання для пісем, які хутка з'явіцца на сталічным Галоўпаштамце; мабільныя праграмы для бацькоў, тэхналогіі па абароне інтэрнэт-банкінгу і многае іншае... Вядучы вытворца тэлекамунікацыйнага абсталявання ў Кітаі прэзентаваў створаную сумесна з беларускімі вучонымі сістэму, якая дае магчымасць бескантактава распазнаваць тавары і фарміраваць чэкі на аплату... Наведвальнікі выстаўкі змаглі таксама ацаніць усе магчымасці паслугі сувязі чацвёртага пакалення 4G...