Удзельнікі велапрабегу "Разам пад сцягам краіны" ў Гомельскай вобласці

Больш за 1 тыс. км праехалі ўдзельнікі велапрабегу "Разам пад сцягам краіны" ў Гомельскай вобласці. Патрыётаў, якія завяршылі сёння шасцідзённы веламарафон, бурнымі апладысментамі сустракалі ў Гомелі на ўрачыстым мітынгу ў гонар Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

Стартаваў патрыятычны маршрут 5 мая ў Жыткавічах. У раёнах вобласці ўдзельнікі наведалі гістарычныя мясціны: помнікі, мемарыялы, абеліскі, брацкія магілы, знакавыя аб'екты, дзе ўсклалі кветкі і вянкі.