Каляды ў Магілёўскім раёне

Магілёўскі раён на Каляды прымае гасцей не толькі з розных куткоў Беларусі, але і з-за мяжы. У аграсядзібе "Шэрая шыйка" збіраюцца людзі, каб адзначыць свята і дакрануцца да старажытнай традыцыі. За навагоднія канікулы сядзіба прыняла каля 25 турыстычных груп – гэта каля 300 чалавек, а за год – больш за 2 тысячы гасцей. Святы, якія адзначаюць у Палыкавічах, напоўнены цяплом і ўтульнасцю, гасцей прываблівае беларуская кухня (дранікі, крывянка, дамашняя каўбаса і сала) і фальклор: песні, абрады, майстар-класы. Для кожнага мерапрыемства рыхтуецца асобная праграма.