"Кубак мацнейшых спартсменаў": беларускія весляры выйгралі 19 з 23 фіналаў дамашняга турніру

Беларускія спартсмены заваявалі 45 медалёў міжнароднага турніру па веславанні на байдарках і каноэ "Кубак мацнейшых спартсменаў".

Удзел у турніры на вяслярным канале ў Заслаўі прынялі больш за 230 атлетаў з Беларусі, Расіі, Казахстана, Узбекістана і Кітая. За пяць дзён спаборніцтваў байдарачнікі і канаісты разыгралі 23 камплекты ўзнагарод. У актыве нашай каманды 45 медалёў: 19 залатых, 17 сярэбраных і 9 бронзавых. Пяціразовым пераможцам стаў Уладзіслаў Кравец, які выйграў тры адзіночныя дыстанцыі ў мужчынскай байдарцы (500 м, 1000 м і 5000 м), а таксама ўзяў золата ў двойцы і золата ў чацвёрцы.

Перамогі ў 4 фіналах з 23 атрымалі весляры з Расіі. Прызёрамі спаборніцтваў сталі прадстаўнікі ўсіх каманд-удзельніц.