Балет "Спячая прыгажуня" Валянціна Елізар'ева ў Вялікім тэатры Беларусі

Першую версію балета-феерыі "Спячая прыгажуня" ў пастаноўцы Валянціна Елізар'ева беларускі глядач убачыў у 2001-м, а адноўленую версію – 26 сакавіка 2022 года.

Мастацкі кіраўнік Вялікага тэатра расказаў, што гэтым балетам ён вяртае на сцэну Вялікага ўсю трыяду Чайкоўскага. За апошнія два гады харэограф прадстаўляў публіцы ўжо сваё прачытанне "Лебядзінага возера" і "Шчаўкунка". "Вельмі прэстыжна мець усе тры балеты ў адным тэатры. Не кожная трупа можа гэта падняць і ажыццявіць, хаця б матэрыяльна, гэта вялікія затраты", – расказаў Валянцін Елізар'еў. Ён адзначыў асаблівасць цяперашняй пастаноўкі: спектакль пачынаецца ў эпосе барока, затым прынцэса засынае і прачынаецца ад пацалунка прынца ўжо ў часы класіцызму.