Партыйцы складаюць 19,1 працэнта Палаты прадстаўнікоў Нацыянальнага сходу сёмага склікання

Члены палітычных партый складаюць 19,1 працэнта Палаты прадстаўнікоў Нацыянальнага сходу сёмага склікання. Аб гэтым журналістам паведаміла старшыня ЦВК Лідзія Ярмошына.

Выбраны 110 дэпутатаў па 110 акругах. "З іх 19,1 працэнта - члены палітычных партый, або 21 чалавек", - праінфармавала Лідзія Ярмошына. Беларускую аграрную партыю ў парламенце будзе прадстаўляць адзін чалавек. Такі ж вынік у ЛДП. Ад Беларускай патрыятычнай партыі ў Палаце прадстаўнікоў будуць два чалавекі. Больш за ўсё ў абноўленым складзе парламента членаў КПБ - 11 чалавек. Другое месца ў Рэспубліканскай партыі працы і справядлівасці - шэсць чалавек. "Калі параўнаць з выбарамі 2016 года, то прадстаўнікоў партый тады было менш - 16 чалавек", - нагадала кіраўнік ЦВК.