Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Фота | Мінскі дыялог-2019: "Еўрапейская бяспека: адысці ад краю бездані"

Форум "Мінскі дыялог"-2019

Форум
7 Oct 2019

Форум "Мінскага дыялогу" на тэму "Еўрапейская бяспека: адысці ад краю бездані" адкрыўся 7 кастрычніка ў беларускай сталіцы. Сярод удзельнікаў двухдзённага мерапрыемства – дзеючыя афіцыйныя асобы высокага ўзроўню, былыя палітыкі, якія маюць вопыт работы на міжнароднай арэне, акадэмічныя эксперты. Чакаецца, што іх агульная колькасць будзе большай, чым у мінулым годзе, калі на форуме пабывалі больш за 500 прадстаўнікоў з 59 краін.

Яшчэ да пачатку афіцыйнай часткі адбылася эксперыментальная сесія маладых лідараў з краін, якія вызначаюць бяспеку Усходняй Еўропы. Акрамя таго, напярэдадні старту "Мінскага дыялогу" арганізатары прадставілі аналітычны даклад аб сітуацыі па бяспецы ў Беларусі і вакол яе, аб тым, якія пагрозы дамінуюць у рэгіёне.

Адразу пасля афіцыйнага адкрыцця форуму пачалася сесія афіцыйных асоб, у якой прынялі ўдзел міністры замежных спраў, дзе быў прадстаўлены погляд асобных дзяржаў на падзеі, якія адбываюцца ў Еўропе. На пляцоўцы форуму ўсе зацікаўленыя могуць адкрыта дыскутаваць аб сучасным і будучым еўрапейскай бяспекі і шукаць узаемапрымальныя стандарты бяспекі для ўсіх. Мерапрыемства збярэ высокапастаўленых афіцыйных асоб і вядучых экспертаў з ЕС, Расіі, ЗША, Кітая і дзяржаў Усходняй Еўропы, Паўднёвага Каўказа і Цэнтральнай Азіі.

"Мінскі дыялог" пачаў сваю работу ў якасці экспертнай ініцыятывы ў пачатку 2015 года. Яго місія – прадастаўляць адкрытую пляцоўку без геапалітычных раздзяляльных ліній для даследаванняў і дыскусій аб міжнародных адносінах і бяспецы ва Усходняй Еўропе. Рэгулярныя мерапрыемствы "Мінскага дыялогу" збіраюць міжнародных экспертаў, а таксама высокапастаўленых дзяржаўных дзеячаў і дыпламатаў.

Форум "Мінскі дыялог" адкрыўся ў Мінску
Форум "Еўрапейская бяспека: адысці ад краю бездані"
Міністр замежных спраў Беларусі Уладзімір Макей
Форум "Еўрапейская бяспека: адысці ад краю бездані"
Форум "Еўрапейская бяспека: адысці ад краю бездані"
Папярэдняя       1 2 3 4 5  [6..10]      Наступная