Самы доўгі падвесны мост у Беларусі

Самы доўгі ў Беларусі падвесны мост цераз Нёман урачыста адкрылі 2 мая пасля завяршэння рэканструкцыі ў Мастах напярэдадні 80-годдзя Вялікай Перамогі. Такі доўгі, сучасны і прыгожы пешаходны мост у краіне адзіны. Адкрыццё суправаджалі светлавое шоу, яркія феерверкі ў начным небе над Нёманам. Па рацэ праплылі байдаркі, якія свяціліся. Першымі па мосце, які зіхацеў падсветкай, прайшлі кіраўнікі вобласці і раёна, будаўнікі, жыхары Мастоў. Пешаходнае палатно выканана з паўнацелай тэраснай дошкі са шклянымі ўстаўкамі. Даўжыня моста – каля 193 м, яго будуць асвятляць каля 450 свяцілень.