Прэм'ера аперэты "Цудоўная Алена" ў Беларускім музычным тэатры

Прэм'ера аперэты Жака Афенбаха "Цудоўная Алена" адбылася 10 лістапада ў Беларускім дзяржаўным акадэмічным музычным тэатры. Дзеючыя асобы – музы, багі і багіні старажытнагрэчаскіх міфаў. У аснову сюжэту пакладзены міф аб выкраданні траянскім царэвічам Парысам Алены Цудоўнай, у выніку чаго пачалася Траянская вайна. На паказе ўшаноўвалі галоўнага рэжысёра тэатра, заслужанага дзеяча мастацтваў Расійскай Федэрацыі, прафесара Міхаіла Кавальчыка, якому споўнілася 80 гадоў.