Еўрапейскія гульні-2019 у Мінску
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Фота | "Гонка легенд"-2019: біятлонны фестываль з удзелам знакамітых спартсменаў у беларускіх "Раўбічах"

"Гонка легенд"-2019: біятлонны фестываль з удзелам знакамітых спартсменаў у беларускіх "Раўбічах"

18 Лют 2019

Унікальны праект, натхняльніцай якога з'яўляецца чатырохразовая алімпійская чэмпіёнка Дар'я Домрачава, трэці раз сабраў зорак сусветнага біятлона ў "Раўбічах". У бягучым годзе на старты самага тытулаванага забегу ў гісторыі зімовага спорту выйшлі легенды, якія, як падлічылі арганізатары, за сваю прафесійную кар'еру заваявалі 250 медалёў чэмпіянатаў свету і Алімпійскіх гульняў!

Акрамя знакамітай беларуска-нарвежскай спартыўнай і сямейнай пары Дар'і Домрачавай і васьміразовага алімпійскага чэмпіёна Уле-Эйнара Б'ёрндалена, у "Раўбічы" прыбылі Андрэй Дзерызямля (Украіна), Уладзімір Драчоў (Расія), Ларс Бергер (Нарвегія), Фларанс Баверэль (Францыя), Сімона Хаўсвальд (Германія), Надзея Скардзіна (Беларусь), Халвард Ханевальд (Нарвегія), Ганна Багалій (Расія), Венсан Дэфран (Францыя), Сяргей Чэпікаў (Расія), Фрудэ Андрэсен (Нарвегія), Сяргей Новікаў (Беларусь), Аляксандр Папоў (Беларусь), Карын Ніягрэ (Францыя), Алена Зубрылава (Беларусь), Карын Аберхофер (Італія), Кацярына Дафоўска( Балгарыя), П'ер Альберта Карара (Італія) і Алена Пятрова (Украіна).

Фестываль стартаваў з жаночага мас-старту, перамогу ў якім заваявала алімпійская чэмпіёнка Пхёнчхана Надзея Скардзіна. Другое месца заняла Ганна Багалій з Расіі, а замкнула тройку прызёраў Сімона Хаўсвальд з Германіі.

Прадоўжылася "Гонка легенд" масавым стартам у мужчын: тут роўных не было ўкраінцу Андрэю Дзерызямлі. Другім прыйшоў Уле-Эйнар Б'ёрндален, бронза – у сярэбранага прызёра Алімпіяды ў Ванкуверы беларуса Сяргея Новікава.

Фінальная – самая відовішчная – гонка завяршыла спартыўны фестываль. У змешанай эстафеце лепшымі сталі Надзея Скардзіна і Сяргей Новікаў. Дар'я Домрачава і Уле-Эйнар Б'ёрндален сталі другімі. На трэцюю прыступку п'едэстала ўзняліся Ганна Багалій (Расія) і Фрудэ Андрэсен (Нарвегія).

На заканчэнне "Гонкі легенд" адбылася цырымонія ўзнагароджання пераможцаў і прызёраў біятлоннага фестывалю, у якой прынялі ўдзел міністр спорту і турызму Беларусі Сяргей Кавальчук, першы віцэ-прэзідэнт НАК Андрэй Асташэвіч, старшыня Прэзідэнцкага спартыўнага клуба Дзмітрый Лукашэнка.

Самыя яркія моманты "Гонкі легенд" – у фотарэпартажы з Раўбіч!

Дар'я Домрачава
"Гонка легенд"-2019
Жаночы мас-старт на "Гонцы легенд"
"Гонка легенд"-2019
"Гонка легенд"-2019
1 2 3 4 5  [6..10]      Наступная