Фестываль яўрэйскай народнай музыкі ў Мінску

Вялікі фестываль яўрэйскай народнай музыкі Litvak Klezmer Festпрайшоў 7 і 8 лістапада ў Мінску. У ім прынялі ўдзел музыканты з ЗША, Германіі, Польшчы, Украіны і Аўстрыі – усяго больш за дзясятак выканаўцаў і бэндаў. У рэпертуар увайшла традыцыйная клезмерская музыка. Таксама прайшлі творчыя майстар-класы, танцавальныя ўрокі, выстаўкі, працаваў фуд-корт – усё было прысвечана клезмерскай музыцы і яўрэйскай культуры.

Музыка клезмераў, прызнаная ва ўсім свеце, зусім нядаўна пачала вяртацца ў Беларусь. Традыцыя клезмераў – першапачаткова прызначаная для выканання на яўрэйскіх вясельных урачыстасцях – нарадзілася ва Усходняй Еўропе як спалучэнне музыкі ўсіх народаў, якія жылі тут, а ў далейшым атрымала развіццё ў ЗША і іншых краінах свету дзякуючы яўрэйскім эмігрантам.