34-я Міжнародная спецыялізаваная выстаўка "Белагра"

На выстаўцы будуць прадстаўлены калектыўныя экспазіцыі. Цэнтральнымі сталі беларускія экспазіцыі, у прыватнасці Міністэрства сельскай гаспадаркі і харчавання, Міністэрства прамысловасці, Нацыянальнай акадэміі навук Беларусі, канцэрна "Белдзяржхарчпрам", Белкаапсаюза і ўсіх абласцей нашай краіны. Экспазіцыя Расійскай Федэрацыі сфарміравана з 14 стэндаў, у тым ліку Міністэрства сельскай гаспадаркі РФ і 13 расійскіх рэгіёнаў.

Прадпрыемствы сістэмы Мінпрама прадставілі 52 арганізацыі, у тым ліку буйнейшыя беларускія вытворцы тэхнікі для аграпрамысловага комплексу: ААТ "Мінскі трактарны завод", ААТ "МАЗ" – кіруючая кампанія холдынга "Белаўтамаз", ААТ "Гомсельмаш", ААТ "Амкадор", ААТ "Бабруйскаграмаш", ААТ "Мінскі маторны завод", ААТ "Кіруючая кампанія холдынга "Лідсельмаш" і іншыя.

 

Таксама свой стэнд і ў Нацыянальнай акадэміі навук Беларусі. Усяго свае распрацоўкі прэзентуюць 45 суб'ектаў гаспадарання.

 

Прафесійным суправаджэннем выстаўкі стала дзелавая праграма. У ходзе двух дзясяткаў тэматычных канферэнцый і семінараў будзе абмяркоўвацца шырокае кола пытанняў па забеспячэнні канкурэнтаздольнасці сельгаспрадукцыі, развіцці племянной жывёлагадоўлі, раслінаводства і насенняводства, сельскагаспадарчага машынабудавання, аграрнай адукацыі і навукі, перспектывы супрацоўніцтва Беларусі з краінамі блізкага і далёкага замежжа, а таксама іншыя актуальныя пытанні.

Акрамя таго, запланавана правядзенне конкурсу на лепшую племянную карову малочнай пароды, конкурсу прафесійнага майстэрства "Лепшы араты", дэгустацыйнага конкурсу "Чэмпіён смаку", дэманстрацыйных паказаў племянных жывёл і сельскагаспадарчай тэхнікі.