8 верасня, Мінск /Кар. БЕЛТА/. За два дні, 6 і 7 верасня ў датэрміновым галасаванні на выбарах дэпутатаў Палаты прадстаўнікоў Нацыянальнага сходу Беларусі шостага склікання прынялі ўдзел 9,63 працэнта выбаршчыкаў ад агульнай колькасці ўключаных у спісы. Такія даныя апублікаваны на сайце ЦВК, паведамляе БЕЛТА.
У Брэсцкай вобласці на ўчасткі прыйшло 7,68 працэнта выбаршчыкаў, у Віцебскай - 10,94 працэнта. У Гомельскай вобласці прагаласавалі датэрмінова 10,68 працэнта выбаршчыкаў, у Гродзенскай - 9,35 працэнта.
У Мінскай і Магілёўскай абласцях удзел у датэрміновым галасаванні за два дні прынялі 8,57 працэнта і 10,88 працэнта выбаршчыкаў ад агульнага спісачнага складу адпаведна. У сталіцы прагаласавала 9,65 працэнта выбаршчыкаў. На ўчасткі за межамі Беларусі прыйшло 10,54 працэнта выбаршчыкаў.
Датэрміновае галасаванне на выбарах у Палату прадстаўнікоў стартавала 6 верасня і будзе прадаўжацца па 10 верасня. Выбары назначаны на 11 верасня.