У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Парламенцкія выбары-2019

Парламенцкія выбары ў Беларусі

16 Жнв 2016

Харстэд адзначыў высокую альтэрнатыўнасць і канкурэнцыю на парламенцкіх выбарах у Беларусі

Харстэд адзначыў высокую альтэрнатыўнасць і канкурэнцыю на парламенцкіх выбарах у Беларусі

16 жніўня, Магілёў /Сяргей Кулягін - БЕЛТА/. Намеснік старшыні Парламенцкай асамблеі АБСЕ, спецыяльны каардынатар АБСЕ на парламенцкіх выбарах у Беларусі Кент Харстэд адзначыў высокую альтэрнатыўнасць і канкурэнцыю на парламенцкіх выбарах у Беларусі. Аб гэтым ён паведаміў у час сустрэчы са старшынёй Магілёўскай абласной выбарчай камісіі Валерыем Бераставым, перадае карэспандэнт БЕЛТА.

"Для нас важна магчымасць працаваць у рэгіёнах па назіранні за ходам выбарчай кампаніі, - сказаў Кент Харстэд. - Наша задача - даць поўную і аб'ектыўную ацэнку маючых адбыцца выбараў. Мы ўжо бачым прагрэс выбарчай кампаніі ў Беларусі ў некаторых аспектах, але застаецца і шэраг пытанняў". У ліку станоўчых момантаў ён назваў высокую альтэрнатыўнасць і канкурэнцыю на маючых адбыцца парламенцкіх выбарах як у краіне, так і Магілёўскай вобласці. А таксама тое, што многія кандыдаты ў дэпутаты адзначаюць больш адкрыты клімат выбарчай кампаніі. Разам з тым ён адзначыў малую колькасць у выбарчых камісіях прадстаўнікоў апазіцыі, а таксама спыніўся на пытанні аб прадастаўленні магчымасці адкрыта назіраць за працэсам падліку галасоў для наглядальнікаў. "Калі ў гэтым годзе на маючых адбыцца выбарах наглядальнікам будзе прадастаўлена магчымасць сачыць за працэсам падліку галасоў, то гэта будзе значны прагрэс ва ўсёй выбарчай сістэме", - лічыць Кент Харстэд.

Валерый Берастаў падкрэсліў, што ЦВК прыняла рашэнне аб прадастаўленні магчымасці для міжнародных наглядальнікаў адкрыта сачыць за працэсам падліку галасоў, але пры гэтым не ўмешваючыся ў сітуацыю і не перашкаджаючы рабоце членаў выбаркамаў. Наконт малой колькасці апазіцыі ў выбарчых камісіях усіх узроўняў Валерый Берастаў выказаў меркаванне, што, па-першае, адсутнічала актыўнасць апазіцыі пры вылучэнні кандыдатур на пачатковым этапе выбарчай кампаніі, а, па-другое, у многіх кандыдатур няма вопыту работы ў выбаркамах, наяўнасці неабходнага аўтарытэту і дзелавых якасцей.

Ён таксама праінфармаваў Кента Харстэда, што напярэдадні выбараў для ўсіх членаў выбарчых камісій будуць праведзены спецыяльныя трэнінгі, на якіх яны пройдуць навучанне па пытаннях арганізацыі і правядзення выбарчай кампаніі, у тым ліку і правядзення адкрытай працэдуры падліку галасоў. Да таго ж выбаркамы атрымаюць у распараджэнне метадычныя дапаможнікі, неабходныя для арганізацыі іх належнай работы на месцах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс