Парламенцкія выбары ў Беларусі

Місія ШАС прызнае парламенцкія выбары ў Беларусі празрыстымі і дэмакратычнымі

18 лістапада, Мінск /Кар. БЕЛТА/. Місія ШАС прызнае парламенцкія выбары ў Беларусі празрыстымі і дэмакратычнымі. Аб гэтым заявіў сёння журналістам намеснік генеральнага сакратара ШАС, кіраўнік місіі наглядальнікаў Се Сяаюн, перадае карэспандэнт БЕЛТА.

Кампанія адпавядала патрабаванням нацыянальнага выбарчага заканадаўства і міжнародным абавязацельствам, якія ўзяла на сябе Беларусь, сказаў Се Сяаюн. "Місія прызнае праведзеныя выбары празрыстымі, дакладнымі і дэмакратычнымі", - агучыў ён асноўныя вывады місіі.

Наглядальнікі ад ШАС зафіксавалі адзінкавыя тэхнічныя парушэнні, якія не могуць уплываць на вынікі выбараў. "Парушэнняў норм нацыянальнага заканадаўства, якія ставяць пад сумненне легітымнасць выбараў, місіяй не адзначана", - дадаў Се Сяаюн.

Эксперты ад Шанхайскай арганізацыі супрацоўніцтва 17 лістапада наведалі 436 выбарчых участкаў. Місія ШАС звярнула ўвагу на актыўны ўдзел у галасаванні выбаршчыкаў, прафесіяналізм выбарчых камісій, а таксама на тое, што галасаванне праходзіла спакойна, у прысутнасці прадстаўнікоў СМІ і наглядальнікаў.

версія для друку

зрабіць стартавай

дабавіць у выбранае