Парламенцкія выбары ў Беларусі

Так, першая праграма паступіла напярэдадні ў рэдакцыю газета "Рэспубліка" ад аднаго з зарэгістраваных кандыдатаў. Інфармацыя аб іншых прэтэндэнтах на парламенцкае месца, якія накіравалі свае праграмы ў мясцовыя або цэнтральныя друкаваныя сродкі масавай інфармацыі (у залежнасці ад акругі, дзе яны вылучаліся), таксама будзе з'яўляцца на сайце Цэнтрвыбаркама.

Своеасаблівы даведнік па выступленнях кандыдатаў у дэпутаты - новаўвядзенне парламенцкай кампаніі бягучага года. На сайце ЦВК ёсць спецыяльная ўкладка, адкрыўшы якую, можна знайсці "каардынаты" кожнага з выступленняў, што паступілі ў рэдакцыі газет. Гэта зроблена, каб пазбегнуць двайнога апублікавання: кожная рэдакцыя, якая атрымала перадвыбарную праграму, зможа зайсці на сайт ЦВК і паглядзець, ці не паступала праграма раней у іншыя рэдакцыі. Адпаведна, калі раней кандыдат ужо выкарыстаў сваё права на бясплатнае апублікаванне, яму будзе адмоўлена.

Да 11 жніўня ўключна прадаўжаецца рэгістрацыя кандыдатаў акруговымі выбарчымі камісіямі. Адразу пасля рэгістрацыі прэтэндэнты на месца ў парламенце маюць права пры дапамозе давераных асоб (іх можа быць да 15 чалавек) пачынаць перадвыбарную агітацыю.

Ёсць розныя варыянты вядзення перадвыбарнай агітацыі, якія ўключаюць выступленні перад выбаршчыкамі на сходах, мітынгах, у друку, па тэлебачанні, радыё, публікацыю праграмы сваёй будучай дзейнасці. Таксама можна ставіць перад адпаведнымі выбаркамамі пытанне аб прадастаўленні памяшканняў для сустрэч з выбаршчыкамі.

Кандыдат мае права самастойна вызначаць формы, віды і змест перадвыбарнай агітацыі, выконваючы пры гэтым патрабаванні заканадаўства аб выбарах, масавых мерапрыемствах і СМІ.

Напрыклад, што датычыцца перадвыбарных праграм, пры іх апублікаванні захоўваецца чарговасць паступлення. Аб'ём праграмы не можа перавышаць дзвюх машынапісных старонак (не больш як 4 тыс. знакаў з прабеламі пры камп'ютарным наборы). Тэкст перадвыбарнай праграмы, падпісаны кандыдатам у дэпутаты, не пазней за 21 жніўня на папяровым і электронным носьбітах павінен быць прадастаўлены ў рэдакцыю газеты.

Акрамя таго, кандыдат мае права на адно бясплатнае пяцімінутнае выступленне па тэлебачанні, на адно бясплатнае пяцімінутнае выступленне па радыё і на ўдзел у тэледэбатах. Дата і час выхаду ў эфір перадач з перадвыбарнымі выступленнямі кожнага з кандыдатаў вызначаюцца ў адпаведнасці з жараб'ёўкай, якая будзе праведзена акруговымі камісіямі.