Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Парламенцкія выбары-2019

Парламенцкія выбары ў Беларусі

7 Jul 2016

Ярмошына: Палітычная барацьба на парламенцкіх выбарах будзе даволі вострая

8 ліпеня, Мінск /Кар. БЕЛТА/. Палітычная барацьба на парламенцкіх выбарах будзе даволі вострая. Такое меркаванне 7 ліпеня выказала старшыня Цэнтрвыбаркама Лідзія Ярмошына ў відэазвароце, размешчаным на сайце ЦВК, паведамляе БЕЛТА.

Лідзія Ярмошына адзначыла актыўны ўдзел партый, асабліва тых, якія адносяць сябе да апазіцыйнага лагера, у вылучэнні кандыдатаў шляхам збору подпісаў. "Мы можам меркаваць, што палітычная барацьба на маючых адбыцца выбарах будзе даволі вострая і выбаршчыкі з цікавасцю змогуць сачыць за гэтай выбарчай кампаніяй", - лічыць старшыня ЦВК.

Яна нагадала, што на гэты момант у краіне зарэгістравана і збіраюць подпісы 256 ініцыятыўных груп па зборы подпісаў у падтрымку асоб, якія прапануюцца для вылучэння кандыдатамі ў дэпутаты Палаты прадстаўнікоў шостага склікання. Большая частка тых, хто паспрабуе вылучыцца такім чынам, - беспартыйныя. У той жа час больш як 90 чалавек - гэта прадстаўнікі партый, звярнула ўвагу Лідзія Ярмошына.

7 ліпеня завяршылася падача заяў на рэгістрацыю ініцыятыўных груп патэнцыяльных кандыдатаў у дэпутаты. "З 396 заявак, пададзеных на рэгістрацыю груп, чатыром патэнцыяльным кандыдатам адмоўлена на той падставе, што былі парушаны ўмовы закона пры стварэнні ініцыятыўнай групы. А два патэнцыяльныя кандыдаты самі адмовіліся ў далейшым збіраць подпісы і ад рэгістрацыі ініцыятыўнай групы", - сказала старшыня ЦВК.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі