Парламенцкія выбары ў Беларусі
Гайдукевіч: не трэба разварушваць спакойную краіну і праз сацыяльныя сеткі склікаць моладзь
Сяргей Гайдукевіч. Фота з архіва
16 лістапада, Мінск /Кар. БЕЛТА/. Любое несанкцыянаванае мерапрыемства з удзелам непадрыхтаванай моладзі можа скончыцца сумна. Такое меркаванне карэспандэнту БЕЛТА выказаў намеснік старшыні Пастаяннай камісіі Савета Рэспублікі па міжнародных справах і нацыянальнай бяспецы Сяргей Гайдукевіч, каменціруючы заклікі да несанкцыянаваных маладзёжных акцый.
"Навошта разварушваць спакойную краіну і праз сацыяльныя сеткі, мэсэнджары склікаць людзей? Калі праводзяцца мерапрыемствы, не ведаючы, навошта і для чаго прыцягваецца моладзь, усё гэта заканчваецца сумна і для тых, хто гэта арганізоўвае, і для тых, хто там удзельнічае, таму што можа быць усё, што хочаце. І мы гэта ведаем по вопыце іншых краін", - сказаў Сяргей Гайдукевіч.
Паводле яго слоў, такія мерапрыемствы павінны праводзіцца выключна з афіцыйнага дазволу ўлад. "Мала хто чым не задаволены? Але ёсць жа, у рэшце рэшт, грамадзяне, якія, можа, не хочуць, каб у цэнтры горада былі такія несанкцыянаваныя мерапрыемствы і атрымалася што-небудзь недарэчнае. Калі нехта хоча адкрыта пагаварыць - трэба гэта рабіць, але не так і не праз сацыяльныя сеткі склікаць моладзь", - адзначыў сенатар.
Сяргей Гайдукевіч асабліва падкрэсліў, што большасць маладых людзей нават не разумеюць, навошта і куды іх запрашаюць. "Розныя людзі ёсць. Ёсць тыя, хто шчыра хоча прыйсці і нешта сказаць, а іншыя хочуць скарыстацца гэтай сітуацыяй і зрабіць якую-небудзь бучу. Гэта ж моладзь. Тым больш, калі нямногія нават разумеюць, для чаго робіцца гэта ўсё. А нехта, можа, гукне кліч: нас падманваюць, усё адбываецца вось так, а давайце пойдзем туды. Яшчэ раз паўтараю: усё трэба рабіць афіцыйна з дазволу ўлад, як гэта адбываецца ў любой краіне свету. Я нават палохаць нікога не хачу. І так усе людзі разумеюць, што калі мерапрыемства збіраецца несанкцыянавана, і туды ўсе запар ідуць, і ніхто за гэта не адказвае - чым усё гэта можа скончыцца", - дадаў ён.-0-
версія для друку
зрабіць стартавай
дабавіць у выбранае