VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

1 Лют 2017

Золата і серабро заваявалі беларусы ў трэці дзень зімовай Універсіяды ў Алматы

Канькабежка Марына Зуева 1 лютага, Мінск /Кар. БЕЛТА/. Залаты і сярэбраны медалі выйгралі беларускія атлеты ў трэці дзень XVIII зімовай Сусветнай універсіяды ў Алматы. Канькабежка Марына Зуева стала лепшай у бегу на 3000 м, а гарналыжніца Марыя Шканава заняла другое месца ў суперкамбінацыі, перадае карэспандэнт БЕЛТА.

Марына Зуева ў заключным, шаснаццатым, забегу, змагла палепшыць рэзультат Наны Такахашы з Японіі (4 хвіліны 27,58 сек.), якая лідзіравала раней, больш як на 9 сек. Час беларускі на дыстанцыі 3000 м - 4 хвіліны 18,26 сек. У выніку яна заваявала залаты медаль зімовай Універсіяды, японка Нана Такахашы стала другой, а бронзавая ўзнагарода на рахунку расіянкі Алены Сахраковай - 4 хвіліны 27,89 сек.

У спаборніцтвах гарналыжніц сёння ў Алматы былі разыграны медалі ў суперкамбінацыі. Прадстаўніца Беларусі Марыя Шканава фінішавала другой з агульным рэзультатам 2 хвіліны 10,02 сек. У слаламе беларуска змагла паказаць час 56,78 сек. і апярэдзіла ўсіх 39 удзельніц. У супергіганце (суперкамбінацыя складаецца з двух відаў) яе час праходжання дыстанцыі склаў 1 хвіліну 13,24 сек.

Пераможцай суперкамбінацыі стала Настасся Сіланцьева з Расіі - 2 хвіліны 08,24 сек. Трэцяе месца заняла Барбара Кантарава са Славакіі - 2 хвіліны 10,35 сек.

З беларускіх спартсменаў-студэнтаў сёння на зімовай Сусветнай універсіядзе выступяць на дыстанцыі 500 м тры канькабежцы Антон Капусцін, Арцём Чабан і Ігнат Галавацюк.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход