Галоўныя навіны

"Задачы зразумелы, мэты вызначаны". Лукашэнка настроіў беларусаў на работу пасля зімовых свят

7 студзеня, Мінскі раён /Кар. БЕЛТА/. Прэзідэнт Беларусі Аляксандр Лукашэнка, наведваючы на ​​Раство храм у Мінскім раёне, настроіў беларусаў на работу пасля зімовых свят, перадае карэспандэнт БЕЛТА.

Аляксандр Лукашэнка нагадаў, што пасля Раства заканчваецца пара свят і прыходзяць працоўныя будні. Ён адзначыў, што святы былі мірнымі, добрымі і прайшлі пад мірным небам.

"Нехта, можа, і не адпачываў. Вы ведаеце, што ні мне, ні ваенным у гэты час адпачынку ніякага быць не можа, калі адпачываюць нашы людзі, калі яны расслаблены, больш думаюць пра сябе і сям'ю, - заявіў кіраўнік дзяржавы. - Людзям у пагонах, ды і мне як Галоўнакамандуючаму, у гэты час не да адпачынку. Але нічога страшнага, гэта мы ўсё вытрымаем. А мільёнам і мільёнам беларусаў трэба прымацца за работу".

"Задачы зразумелы. Мэты вызначаны. Хочам жыць добра - трэба выканаць тое, што мы нядаўна намецілі. Таму - за работу", - сказаў Прэзідэнт.

Беларускі лідар падкрэсліў, што ў Беларусі ёсць усё для таго, каб людзі маглі жыць, карміць сябе і сваіх дзяцей. "Пры ўмове, што яны працуюць. Без працы нічога не будзе", - дадаў ён.

версія для друку

зрабіць стартавай

дабавіць у выбранае