Галоўныя навіны

Усебеларуская малітва аб міры адбылася ў мемарыяльным комплексе "Хатынь"

22 сакавіка, Лагойскі раён /Кар. БЕЛТА/. Усебеларуская малітва аб міры адбылася 21 сакавіка ў час рэспубліканскага мітынгу-рэквіема "Лампада памяці", прымеркаванага да 78-й гадавіны хатынскай трагедыі, перадае карэспандэнт БЕЛТА.

Мерапрыемства прайшло ў прысутнасці кіраўніка дзяржавы Аляксандра Лукашэнкі з удзелам кіраўнікоў чатырох вядучых традыцыйных рэлігійных канфесій. Ад усіх канфесій выступіў мітрапаліт Мінскі і Заслаўскі Веніямін.

"На гэтым журботным месцы мы задаёмся пытаннем, чаму адбылася тут трагедыя. Чаму людзі забівалі нашых суайчыннікаў так жорстка ад малога да вялікага", - адзначыў мітрапаліт Веніямін.

Ён таксама задаўся пытаннем, што ж рабіць, каб ніколі больш не паўтарылася такая трагедыя. Адказы знаходзіць у старажытным законе і прароках. "Два складнікі. Перш за ўсё - любові да Бога. І другая запаведзь - аб любові да бліжняга. Шчырай, ад усяго сэрца. І не рабіць бліжняму свайму таго, чаго не жадаеш сабе", - сказаў Патрыяршы экзарх усяе Беларусі.

Мітрапаліт Веніямін адзначыў, што тыя людзі, якія тварылі вялікае зло на беларускай зямлі, панеслі адпаведную адплату, паколькі той, хто сее вецер, пажне буру.

"Мы перажываем за будучыню нашай краіны. Мы імкнёмся і жадаем, каб у міры, згодзе, яднанні прадаўжаць сваё жыццё. Да гэтых намаганняў далучым нашу малітву", - сказаў ён.

версія для друку

зрабіць стартавай

дабавіць у выбранае