Галоўныя навіны

Пытанне дзяржаўнай важнасці - Лукашэнка заявіў аб маючай адбыцца перазагрузцы сістэмы адукацыі

24 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка сёння ў час выступлення на Рэспубліканскім педагагічным савеце заявіў аб маючай адбыцца перазагрузцы сістэмы адукацыі, перадае карэспандэнт БЕЛТА.

"Урокі засвоены. Падзеі, што здарыліся, прадвызначылі глабальнасць тых пытанняў, якія мы вынеслі на гэты педсавет. Нам трэба будзе перазагрузіць сістэму адукацыі. Сёння гэта пытанне дзяржаўнай важнасці", - падкрэсліў кіраўнік дзяржавы.

Прэзідэнт нагадаў аб старажытнай мудрасці: пасля хлеба самае важнае для народа - гэта школа. "Не прымяншаючы ролю сям'і, мы ўсё з вамі добра разумеем, што менавіта выхавальнік і настаўнік стаяць ля вытокаў фарміравання народа як адзінай нацыі. Навука гэта называе нацыянальнай ідэнтычнасцю. Па-простаму гэта патрыятызм", - сказаў Прэзідэнт.

Ён адзначыў, што ў гэтым паняцці шмат сэнсаў: любоў да Радзімы, павага да дасягненняў мінулага, прыхільнасць да традыцый, шанаванне старэйшых пакаленняў і гонар за поспехі сучаснікаў, імкненне ўнесці свой уклад у гісторыю краіны.

версія для друку

зрабіць стартавай

дабавіць у выбранае