У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

30 Крс 2019

Працавітасць і вернасць традыцыям з'яўляюцца залогам далейшага развіцця Беларусі - Лукашэнка

Працавітасць і вернасць традыцыям з'яўляюцца залогам далейшага развіцця Беларусі - Лукашэнка
Фота з архіва

30 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка адрасаваў суайчыннікам віншаванне са Святам працы, паведамілі БЕЛТА ў прэс-службе кіраўніка дзяржавы.

Аляксандр Лукашэнка адзначыў, што вось ужо больш за стагоддзе гэта свята не страчвае сваёй актуальнасці, з'яўляючыся сімвалам салідарнасці людзей розных прафесій і пакаленняў.

"У Беларусі адзначаюць гэты дзень з асаблівым натхненнем, адрасуючы словы павагі кожнаму працаўніку і працоўнаму калектыву, выказваючы глыбокую ўдзячнасць ветэранам працы. Тым, хто будаваў надзейны фундамент нацыянальнага здабытку незалежнай краіны і перадаў дастойную эстафету маладой змене", - гаворыцца ў віншаванні.

Прэзідэнт звярнуў увагу, што ўсе сучасныя дасягненні: захаванне і мадэрнізацыя савецкіх прамысловых гігантаў, стварэнне інавацыйных вытворчасцей, дынамічнае ўкараненне высокіх тэхналогій у розныя галіны эканомікі - вынік агульнай упартай стваральнай працы.

"Перакананы, менавіта наша працавітасць, вернасць традыцыям і любоў да Радзімы з'яўляюцца залогам далейшага развіцця і працвітання Беларусі", - падкрэсліў кіраўнік дзяржавы.

Віншаванне Прэзідэнта Беларусі са Святам працы

Паважаныя суайчыннікі!

Ад усёй душы віншую вас са Святам працы.

Вось ужо больш за стагоддзе яно не страчвае сваёй актуальнасці, з'яўляючыся сімвалам салідарнасці людзей розных прафесій і пакаленняў.

У Беларусі адзначаюць гэты дзень з асаблівым натхненнем, адрасуючы словы павагі кожнаму працаўніку і працоўнаму калектыву, выказваючы глыбокую ўдзячнасць ветэранам працы. Тым, хто будаваў надзейны фундамент нацыянальнага здабытку незалежнай краіны і перадаў дастойную эстафету маладой змене.

Усе сучасныя дасягненні: захаванне і мадэрнізацыя савецкіх прамысловых гігантаў, стварэнне інавацыйных вытворчасцей, дынамічнае ўкараненне высокіх тэхналогій у розныя галіны эканомікі - вынік агульнай упартай стваральнай працы.

Перакананы, менавіта наша працавітасць, вернасць традыцыям і любоў да Радзімы з'яўляюцца залогам далейшага развіцця і працвітання Беларусі.

У гэты майскі дзень жадаю вам і вашым сем'ям міру і дабрабыту. Няхай побач заўсёды будуць аднадумцы і верныя сябры, а ў прафесійнай дзейнасці спадарожнічае поспех.

Аляксандр Лукашэнка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс