У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Галоўныя навіны

Галоўныя навіны

11 Чэр 2018

Паралімпіец Ігар Бокій устанавіў пяць сусветных рэкордаў на спаборніцтвах па плаванні ў Берліне

Паралімпіец Ігар Бокій устанавіў пяць сусветных рэкордаў на спаборніцтвах па плаванні ў Берліне

11 чэрвеня, Мінск /Кар. БЕЛТА/. Паралімпіец Ігар Бокій устанавіў пяць сусветных рэкордаў на спаборніцтвах па плаванні IDM Berlin 2018, паведамілі БЕЛТА ў прэс-службе Беларускай федэрацыі плавання.

На старце турніру Ігар Бокій устанавіў сусветны рэкорд на дзвюх дыстанцыях у катэгорыі S13. У вырашальным заплыве на дыстанцыі 200 м на спіне ён паказаў рэзультат 2 мін. 09,8 сек., а на 200 м вольным стылем - 1 мін. 52,40 сек. Беларус палепшыў сусветнае дасягненне сярод паралімпійцаў у папярэднім заплыве на дыстанцыі 50 м на спіне - 26,36 сек., а ў фінале перасягнуў і яго - 26,21 сек.

На дыстанцыі 200 м батэряфляем беларускі плывец заваяваў залатую ўзнагароду і фінішаваў з рэзультатам 2 мін. 04,06 сек., палепшыўшы дасягненне 28-гадовай даўнасці канадца Майкла Эджсана.

"Басейн у Берліне для мяне добра знаёмы, тут цудоўныя ўмовы, якія і даюць магчымасць дабівацца такіх рэзультатаў. Хоць мне ёсць да чаго імкнуцца на плавальнай дарожцы, таму будзем з трэнерам працаваць далей", - адзначыў плывец.

Ігар Бокій, які выступае сярод спартсменаў з парушэннем зроку, з'яўляецца 11-разовым паралімпійскім чэмпіёнам, шматразовым чэмпіёнам свету і Еўропы.

На плавальным турніры IDM Berlin 2018 за ўзнагароды спаборнічалі 550 спартсменаў больш як з 50 краін.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс