Галоўныя навіны

Паездку ў Чачэрск Лукашэнка пачаў з азнаямлення з сітуацыяй у сельскай гаспадарцы

29 красавіка, Чачэрск /Кар. БЕЛТА/. Прэзідэнт Беларусі Аляксандр Лукашэнка ў час рабочай паездкі ў Чачэрскі раён звярнуў увагу на неабходнасць выканання тэрмінаў веснавых палявых работ, перадае карэспандэнт БЕЛТА.

Прыляцеўшы ў Чачэрскі раён, у першую чаргу Аляксандр Лукашэнка падрабязна пацікавіўся ходам веснавых палявых работ, планамі на ўраджайнасць розных культур. Кіраўнік мясцовага сельскагаспадарчага прадпрыемства "Отар" праінфармаваў кіраўніка дзяржавы аб сітуацыі ў сваёй гаспадарцы, а міністр сельскай гаспадаркі і харчавання Ігар Брыло далажыў аб ходзе палявых работ у цэлым па краіне.

Паводле слоў міністра, яравыя культуры пасеяны амаль на 40 працэнтах запланаваных плошчаў. У лідарах Гродзенская вобласць, дзе засеяна больш за 55 працэнтаў ад плана. Менш за ўсё зямель - 17,1 працэнта - паспелі засеяць у Магілёўскай вобласці.

Ігар Брыло адзначыў, што з наяўнасцю насення і ўгнаенняў, з тэхнікай і палівам праблем ніякіх няма.

"З палівам, думаю, праблем не будзе. На ўнутраным рынку ў нас абсалютна не будзе ніякіх праблем з палівам", - падкрэсліў Аляксандр Лукашэнка.

Гаворачы пра насенняводства, кіраўнік дзяржавы звярнуў асаблівую ўвагу на неабходнасць нарыхтоўкі ўласнага насення. Элітныя сарты Беларусь цяпер імпартуе. "Нам трэба тут таксама глядзець на імпартазамяшчэнне. Усё ж такі трэба спрабаваць насенне атрымліваць сваё", - сказаў Прэзідэнт.

Кіраўнік дзяржавы пацікавіўся, як ідзе нарыхтоўка кармоў, якая сітуацыя з меліярацыяй зямель.

У час наведвання сельскагаспадарчага прадпрыемства "Отар" Аляксандр Лукашэнка таксама азнаёміўся з тэхналагічным працэсам сяўбы кукурузы на сілас.

Затым Прэзідэнт наведаў малочнатаварную ферму мясцовай гаспадаркі. Тут ён паглядзеў, як арганізавана вытворчасць, пацікавіўся эканамічнымі паказчыкамі прадпрыемства.

На ферме змяшчаецца больш за 4,3 тыс. галоў буйной рагатай жывёлы. За студзень-люты атрымана выручкі ад рэалізацыі прадукцыі на Br2,1 млн, што больш чым на 43 працэнты вышэй, чым за адпаведны перыяд мінулага года. Рэнтабельнасць продажаў дасягнула амаль 17 працэнтаў.

версія для друку

зрабіць стартавай

дабавіць у выбранае