Галоўныя навіны

11 лютага, Мінск /Кар. БЕЛТА/. "Нармандская чацвёрка" ў поўным складзе сабралася ў Палацы Незалежнасці на перагаворы па Украіне, паведамляе карэспандэнт БЕЛТА.

Да прэзідэнтаў Украіны і Францыі Пятра Парашэнкі і Франсуа Аланда, канцлера Германіі Ангелы Меркель, якія раней прыбылі на перагаворы, далучыўся Прэзідэнт Расіі Уладзімір Пуцін. У Палацы Незалежнасці замежных лідараў вітаў кіраўнік беларускай дзяржавы Аляксандр Лукашэнка.

Першым на перагаворы прыбыў украінскі Прэзідэнт, пасля чаго адбыліся двухбаковыя перагаворы паміж Пятром Парашэнкам і Аляксандрам Лукашэнкам.

Потым у Палац Незалежнасці адначасова прыбылі Франсуа Аланд і Ангела Меркель. Адбылася іх кароткая размова з Прэзідэнтам Беларусі.

Замежныя лідары на перагаворах у Мінску плануюць абмеркаваць прапановы па плане ўрэгулявання ўкраінскага крызісу.