Галоўныя навіны

У дні форуму ў Мінску праходзіць выстаўка "Белагра-2016". Тут прадстаўлены не толькі дасягненні ў сферы АПК. "Мы імкнуліся паказаць на гэтай выстаўцы, што Беларусь высокаразвітая індустрыяльная краіна, якая мае сучаснае машынабудаванне, новыя высокія тэхналогіі", - адзначыў Міхаіл Мясніковіч.

Парадак дня Форуму рэгіёнаў прысвечаны сацыяльна-культурнай сферы. У сувязі з гэтым на выстаўцы размешчана таксама экспазіцыя, якая адлюстроўвае сучасныя адукацыйныя тэхналогіі, дасягненні ў галіне медыцыны, навукі.

"Гэта выстаўка - не толькі дэманстрацыя сучасных узораў, гэта і пляцоўка, на якой будзе прадстаўлена магчымасць абмеркаваць новыя праекты, заключыць камерцыйныя кантракты", - упэўнены Міхаіл Мясніковіч.

Беларусь правяла сур'ёзную мадэрнізацыю ў мяса-малочнай прамысловасці, вытворчасці іншых прадуктаў. Набытым вопытам краіна гатова падзяліцца з партнёрамі.

Беларускі бок мае намер рабіць усё, каб стварыць удзельнікам выстаўкі самыя камфортныя ўмовы для работы, гарантаваў старшыня Савета Рэспублікі. Ён дадаў, што выстаўка "Белагра" стала традыцыйнай і прыцягвае ўвагу не толькі спецыялістаў, але і радавых грамадзян, гасцей з далёкага і блізкага замежжа.