Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

16 Oct 2018

Лізавета Дорц заваявала 7-ы медаль зборнай Беларусі на Юнацкіх Алімпійскіх гульнях

Лізавета Дорц заваявала 7-ы медаль зборнай Беларусі на Юнацкіх Алімпійскіх гульнях
Фота НАК

16 кастрычніка, Мінск /Кар. БЕЛТА/. Беларуская спартсменка Лізавета Дорц заваявала сярэбраны медаль у штурханні ядра на III летніх Юнацкіх Алімпійскіх гульнях у Буэнас-Айрэсе, паведамілі БЕЛТА ў прэс-службе НАК.

Лізавета Дорц паказала другі рэзультат у двух раўндах: 12 кастрычніка яна штурхнула ядро на 17 м 60 см, 15 кастрычніка - на 17 м 53 см. З сумай 35 м 13 см беларуская лёгкаатлетка стала другой, уступіўшы толькі кітаянцы Сіньхой Лі (36 м 75 см). Бронзавы медаль дастаўся паўднёваафрыканскай спартсменцы Дэйн Рэтс (34 м 64 см).

Пасля завяршэння спаборніцтваў Лізавета Дорц сказала, што вельмі незадаволена рэзультатам, але рада, што ёсць медаль. Паводле яе слоў, першы этап яна правяла нядрэнна, другі - жудасна, разлічвала на больш высокі рэзультат.

17-гадовая Лізавета Дорц нарадзілася ў Докшыцах. У гэтым годзе перамагала на алімпійскіх днях моладзі. У Буэнас-Айрэсе працуе з трэнерам Ігарам Варанцовым.

Для зборнай Беларусі гэта сёмая ўзнагарода Гульняў у Буэнас-Айрэсе (1 залатая, 3 сярэбраныя, 3 бронзавыя). Яшчэ два медалі беларускія атлеты заваявалі ў складзе інтэрнацыянальных каманд (1, 0, 1).

Спаборніцтвы ў аргенцінскай сталіцы завершацца 18 кастрычніка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі