Галоўныя навіны

Лукашэнку прапанавалі нестандартныя падыходы да развіцця ПВТ

11 красавіка, Мінск /Кар. БЕЛТА/. На разгляд Прэзідэнту Беларусі Аляксандру Лукашэнку ўнесены праекты прававых актаў аб развіцці ПВТ, у якіх закладзены нестандартны падыход. Аб гэтым ішла размова на адпаведнай нарадзе ў кіраўніка дзяржавы, перадае карэспандэнт БЕЛТА.

"Мне ўнесены праекты прававых актаў аб развіцці Парка высокіх тэхналогій. Падыход нестандартны. Але ў гэтай сферы практычна заўсёды патрабуюцца крэатыўныя рашэнні", - заявіў беларускі лідар.

Прэзідэнт падкрэсліў, што размова ідзе аб другім дыханні і раней недаступных гарызонтах для парка і ўсёй беларускай IT-галіны. "Трэба асвоіць новыя рынкі, замясціць заходнія інвестыцыі азіяцкімі", - абазначыў арыенціры Аляксандр Лукашэнка.

"І наогул, калі недзе ствараецца дастойны прадукт, якія б ні былі перашкоды, гэты прадукт будзе запатрабаваны, яго купяць", - дадаў кіраўнік дзяржавы.

Паводле яго слоў, сёння трэба яшчэ раз абмеркаваць прапановы і дамовіцца аб прывядзенні нарматыўнай базы ў адпаведнасць з прынятымі рашэннямі. "Хацеў бы пачуць ад прысутных, як мы можам максімальна паскорыць работу і калі атрымаем канкрэтны вынік", - сказаў ён.

Аляксандр Лукашэнка папярэдзіў урад і кіраўніцтва ПВТ, а таксама іншых адказных асоб: "Проста сёння недзе сядзець, выбачайце за гэта слова, пад плінтусам, адседзецца, не атрымаецца. Патрэбны вынік. Няма выніку - ніякія тлумачэнні, ніякія размовы не прымаюцца".

версія для друку

зрабіць стартавай

дабавіць у выбранае