Галоўныя навіны

Лукашэнка зноў прыняў пасла Венесуэлы пасля ўзгаднення "некаторых пытанняў" з Мадурам

11 снежня, Мінск /Кар. БЕЛТА/. Прэзідэнт Беларусі Аляксандр Лукашэнка правёў сустрэчу з Надзвычайным і Паўнамоцным Паслом Венесуэлы ў Расіі Хесусам Рафаэлем Саласарам Веласкесам, перадае карэспандэнт БЕЛТА.

"Зусім нядаўна мы з вамі абмяркоўвалі шэраг праблем у нашых узаемаадносінах, аб сітуацыі вакол Венесуэлы. Тады дамовіліся аб тым, што вы павінны ўзгадніць некаторыя пытанні з кіраўніцтвам Венесуэлы - Нікаласам Мадурам. Мы дамовіліся, што пасля ўзгаднення некаторых праблем, пытанняў вы знойдзеце час для таго, каб прыехаць да мяне, яшчэ раз сустрэцца і каб мы маглі прыняць ужо адпаведнае рашэнне, якое знаходзіцца ў нашай кампетэнцыі. А калі патрэбна, потым мы падключым Прэзідэнта Венесуэлы", - сказаў кіраўнік дзяржавы.

Як паведамлялася, Аляксандр Лукашэнка 25 лістапада праводзіў ужо сустрэчу з паслом Венесуэлы ў Расіі і заявіў, што адносіны паміж дзвюма краінамі павінны быць больш інтэнсіўнымі і развітымі. Кіраўнік дзяржавы папрасіў перадаць Прэзідэнту Венесуэлы запрашэнне наведаць Беларусь, але таксама не выключыў і магчымасці свайго візіту ў Венесуэлу. "Я буду ўсяляк імкнуцца да таго, каб знайсці час і наведаць Венесуэлу. Час праблемны, складаны, цяжкі. Але тым не менш з любых палажэнняў і сітуацый можна знайсці выйсце, трэба толькі імкнуцца да гэтага", - заявіў беларускі лідар на сустрэчы ў лістападзе.

версія для друку

зрабіць стартавай

дабавіць у выбранае