Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

28 Врс 2018

Лукашэнка заклікае СНД да адзінства ва ўмовах разбурэння існуючай сістэмы міжнароднага гандлю

Лукашэнка заклікае СНД да адзінства ва ўмовах разбурэння існуючай сістэмы міжнароднага гандлю

28 верасня, Душанбэ /Уладзімір Мацвееў - БЕЛТА/. Прэзідэнт Беларусі Аляксандр Лукашэнка заклікае да адзінства і сумесных дзеянняў унутры СНД на фоне разбурэння існуючай сістэмы міжнароднага гандлю. Аб гэтым ён заявіў сёння ў Душанбэ на саміце Садружнасці, перадае карэспандэнт БЕЛТА.

Кіраўнік дзяржавы падкрэсліў, што нязменным прыярытэтам членства Беларусі ў СНД застаецца ўмацаванне эканамічнага супрацоўніцтва. Пры гэтым ён адзначыў, што сусветныя рыначныя адносіны ўсё больш страчваюць прыкметы цывілізаванага ўзаемадзеяння паміж краінамі. "Мы бачым, як з падачы Захаду безапеляцыйна, у аднабаковым парадку разбураецца ствараемая дзесяцігоддзямі сістэма міжнароднага гандлю. Выкарыстанне неправавых механізмаў ператвараецца ў норму і ставіць нашы эканомікі ў нестабільнае становішча", - сказаў беларускі лідар.

"Толькі разам мы зможам паспяхова процістаяць гэтым новым выклікам. З аднаго боку, мы павінны аб'яднаць намаганні для сумеснай абароны інтарэсаў на глабальным рынку. З іншага - актывізаваць узаемны гандаль і інвестыцыі, пашыраць прамысловую кааперацыю. У цэлым адказаць кансалідацыяй і павышэннем ролі Садружнасці як рэгіянальнага іграка", - заявіў Аляксандр Лукашэнка.

Прэзідэнт са шкадаваннем канстатаваў, што ў бакоў у СНД адсутнічае агульнае бачанне і генеральны план развіцця Садружнасці. Не ўдалося да канца сфармуляваць тэарэтычную мадэль і стварыць практычную стратэгію эканамічнай інтэграцыі нашых краін.

"У рамках адаптацыі Садружнасці да сучасных рэалій мы пачалі рэвізію Канцэпцыі далейшага развіцця СНД. Прапаную даручыць урадам абнавіць у гэтым дакуменце эканамічны блок, - сказаў кіраўнік дзяржавы. - Ён можа стаць ідэалагічнай асновай для больш поўнага выкарыстання навукова-вытворчага і інвестыцыйнага патэнцыялу ў рамках Садружнасці. Неабходна разумна ўвязаць гэта з распрацоўкай Стратэгіі эканамічнага развіцця СНД на перыяд пасля 2020 года".

Паводле слоў Аляксандра Лукашэнкі, і ў канцэпцыі, і ў стратэгіі трэба замацаваць сучасныя арыенціры, вызначыць агульныя кропкі эканамічнага росту. "Лічу, што нашай Міжпарламенцкай асамблеі таксама неабходна цесна падключыцца да гэтай работы", - дадаў кіраўнік дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі