Галоўныя навіны
Лукашэнка: Велікодны благавест нараджае ў сэрцах веру, надзею і любоў
1 мая, Мінск /Кар. БЕЛТА/. Прэзідэнт Аляксандр Лукашэнка павіншаваў праваслаўных хрысціян Беларусі з Уваскрэсеннем Хрыстовым, паведамілі БЕЛТА ў прэс-службе беларускага лідара.
У гэта вялікае свята людзі ўспамінаюць аб выратавальнай ахвяры, якая азнаменавала перамогу дабра над злом, святла над цемрай, жыцця над смерцю, гаворыцца ў віншаванні. "Велікодны благавест нараджае ў нашых сэрцах веру, надзею і любоў, пабуджае задумацца аб высокім прызначэнні чалавека. У такія імгненні мы з асаблівай вастрынёй адчуваем неабходнасць яднання, узаемнай падтрымкі, захавання духоўных каштоўнасцей, імкненне адрадзіць і прымножыць багатыя традыцыі нашага народа", - адзначыў Аляксандр Лукашэнка.
Кіраўнік дзяржавы пажадаў землякам моцнага здароўя, дабрабыту і шчасця, а таксама каб дні святкавання Вялікадня прынеслі мір і згоду ў іх сем'і, адарылі вясеннім цяплом і радасцю стасункаў, натхнілі на добрыя справы.
Віншаванне Прэзідэнта Беларусі з Уваскрэсеннем Хрыстовым
Праваслаўным хрысціянам Беларусі
Дарагія суайчыннікі!
Ад усёй душы віншую вас з Уваскрэсеннем Хрыстовым.
У гэта вялікае свята мы ўспамінаем аб выратавальнай ахвяры, якая азнаменавала перамогу дабра над злом, святла над цемрай, жыцця над смерцю.
Велікодны благавест нараджае ў нашых сэрцах веру, надзею і любоў, пабуджае задумацца аб высокім прызначэнні чалавека. У такія імгненні мы з асаблівай вастрынёй адчуваем неабходнасць яднання, узаемнай падтрымкі, захавання духоўных каштоўнасцей, імкненне адрадзіць і прымножыць багатыя традыцыі нашага народа.
Хачу пажадаць, дарагія землякі, каб дні святкавання Вялікадня прынеслі мір і згоду ў вашы сем'і, адарылі вас вясеннім цяплом і радасцю стасункаў, натхнілі на добрыя справы.
Моцнага вам здароўя, дабрабыту і шчасця.
Аляксандр Лукашэнка.
версія для друку
зрабіць стартавай
дабавіць у выбранае