Галоўныя навіны
Лукашэнка: У Беларусі спорту ўдзяляецца павышаная ўвага
10 красавіка, Мінск /Аліна Грышкевіч - БЕЛТА/. У Беларусі спорту ўдзяляецца павышаная ўвага. Гэта адзначыў Прэзідэнт Беларусі Аляксандр Лукашэнка сёння ў час наведвання Беларускага дзяржаўнага ўніверсітэта фізкультуры і сустрэчы з прафесарска-выкладчыцкім складам і студэнтамі, перадае карэспандэнт БЕЛТА.
Кіраўнік дзяржавы падкрэсліў, што на развіццё спорту накіроўваюцца значныя дзяржаўныя рэсурсы. Прычым умовы для заняткаў фізкультурай створаны для ўсіх слаёў насельніцтва. Прэзідэнт запатрабаваў, каб усе спартыўныя залы і комплексы былі заняты з раніцы да вечара. Пры гэтым прыярытэт павінен быць для спартсменаў, а ўжо затым - для жадаючых займацца фізкультурай і спортам.
Прэзідэнт звярнуў асаблівую ўвагу на той факт, што спартыўныя федэрацыі і асацыяцыі ў краіне ўзначальваюць кіраўнікі самага высокага рангу, якія могуць поўнасцю кантраляваць працэсы ў курыруемым імі відзе спорту. Як паказала практыка, вынік ад гэтага сапраўды ёсць. Беларусь прымае ў сябе ўсё больш спартыўных мерапрыемстваў сусветнага маштабу. У прыватнасці, паспяхова прайшоў чэмпіянат свету па хакеі ў 2014 годзе. Беларусь таксама заваявала права прыняць Еўрапейскі алімпійскі фестываль моладзі ў 2019 годзе. Рыхтуюцца заяўкі на правядзенне чэмпіянату Еўропы па лёгкай атлетыцы ў закрытых памяшканнях у 2019 годзе і чэмпіянату свету па хакеі з шайбай 2021 года.
"Вядома, мы чакаем перамог і рэкордаў ад нашых спартсменаў-прафесіяналаў", - падкрэсліў Прэзідэнт.
версія для друку
зрабіць стартавай
дабавіць у выбранае