Галоўныя навіны

"Мы вельмі сур'ёзна, што датычыцца канцэпцыі, тактыкі, стратэгіі хакея, уступаем заакіянскім спартсменам. Нам трэба вельмі сур'ёзна звярнуць увагу на сістэму падрыхтоўкі спартсменаў, і хакеістаў перш за ўсё, пераймаючы вопыт канадцаў і амерыканцаў - яны гуляюць у зусім іншы хакей, - сказаў Аляксандр Лукашэнка. - Мы і расіяне, ды і еўрапейцы пачынаюць адставаць, гуляем па-даўнейшаму. Гэта датычыцца асабліва беларускага хакея".

Аляксандр Лукашэнка падзякаваў Рэнэ Фазелю за тую ўвагу, якую Міжнародная федэрацыя хакея аказвае Беларусі, а таксама павіншаваў яго з перавыбраннем на пасаду прэзідэнта ІІХФ. "Шчыра кажучы, перад сустрэчай я задумаўся, што мы, напэўна, са сваім цяперашнім хакеем не заслугоўваем столькі ўвагі, колькі вы ўдзяляеце нашай краіне. Але ў бліжэйшыя два-тры гады - адразу гэта не робіцца - мы парадак навядзём у спорце ў цэлым і ў хакеі ў прыватнасці, разбяромся з усімі функцыянерамі, якія, напэўна, крыху зажырэлі", - звярнуў увагу кіраўнік дзяржавы, адзначыўшы пры гэтым, што яго ацэнка існуючай у беларускім хакеі сітуацыі не звязана з выступленнем нацыянальнай зборнай у алімпійскай кваліфікацыі-2018.

Прэзідэнт падкрэсліў, што кадры ў спорце вырашаюць усё. "Я ўжо даручыў сур'ёзную ўвагу звярнуць на кадры, якія сёння заняты ў спартыўнай індустрыі, асабліва ў хакеі, таму што гэта вельмі папулярны, можна сказаць, нацыянальны від спорту разам з футболам і самы масавы. Вы бачыце, як гледачы ўспрымаюць усё гэта", - заўважыў Аляксандр Лукашэнка.