7 кастрычніка, Мінск /Кар. БЕЛТА/. Прэзідэнт Рэспублікі Беларусь Аляксандр Лукашэнка ўручыў дзяржаўныя ўзнагароды дэпутатам Палаты прадстаўнікоў і членам Савета Рэспублікі Нацыянальнага сходу пятага склікання. Цырымонія адбылася ў Авальнай зале Дома ўрада, перадае карэспандэнт БЕЛТА.
Дзяржаўных узнагарод за значны ўклад у рэалізацыю сацыяльнай і эканамічнай палітыкі краіны, заслугі ў развіцці заканадаўства і парламентарызму ўдастоены члены Савета Рэспублікі. Ордэнам Пашаны ўзнагароджаны генеральны дырэктар ЗАТ "Сталічнае тэлебачанне" Юрый Казіятка. Медаля "За працоўныя заслугі" ўдастоена першы намеснік генеральнага дырэктара - намеснік генеральнага дырэктара па эканоміцы і фінансах ААТ "Гродна Азот" Тамара Паследняя. Дырэктар дзяржаўнай установы "Палац культуры г.Маладзечна" Святлана Сарока ўзнагароджана медалём Францыска Скарыны.
Ганаровае званне "Заслужаны юрыст Рэспублікі Беларусь" прысвоена старшыні Пастаяннай камісіі Савета Рэспублікі па заканадаўстве і дзяржаўным будаўніцтве Ліліі Мароз.
Некалькім сенатарам аб'яўлена Падзяка Прэзідэнта Беларусі.
За плённую дзяржаўную і грамадскую дзейнасць, значны ўклад у развіццё заканадаўства і парламентарызму дзяржаўнымі ўзнагародамі адзначаны заслугі дэпутатаў і супрацоўнікаў сакратарыята Палаты прадстаўнікоў.
Ордэнам Пашаны ўзнагароджаны старшыня Пастаяннай камісіі па пытаннях экалогіі, прыродакарыстання і чарнобыльскай катастрофы Сяргей Канопліч.
Шэраг дэпутатаў узнагароджаны медалём "За працоўныя заслугі". У іх ліку старшыня Пастаяннай камісіі па міжнародных справах Віталь Бусько, старшыня Пастаяннай камісіі па эканамічнай палітыцы Віктар Валюшыцкі, старшыня Пастаяннай камісіі па дзяржаўным будаўніцтве, мясцовым самакіраванні і рэгламенце Генадзь Грыцкевіч, старшыня Пастаяннай камісіі па аграрнай палітыцы Віктар Шчэцька.
Ганаровае званне "Заслужаны работнік сельскай гаспадаркі Рэспублікі Беларусь" прысвоена члену Пастаяннай камісіі па дзяржаўным будаўніцтве, мясцовым самакіраванні і рэгламенце Аляксандру Папкову. Старшыня Пастаяннай камісіі па заканадаўстве Людміла Міхалькова ўдастоена ганаровага звання "Заслужаны юрыст Рэспублікі Беларусь".