Галоўныя навіны

Лукашэнка растлумачыў, чаму выбраў Барташа ў якасці новага кіраўніка Мінсельгасхарча

8 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка растлумачыў, чым абумоўлены выбар Сяргея Барташа ў якасці новага міністра сельскай гаспадаркі і харчавання. Аб гэтым кіраўнік дзяржавы заявіў пры назначэнні новага кіраўніка Мінсельгасхарча з пастаноўкай задач па развіцці сельгасгаліны, перадае карэспандэнт БЕЛТА.

На мерапрыемстве таксама прысутнічалі віцэ-прэм'ер Леанід Заяц і першы намеснік кіраўніка Адміністрацыі Прэзідэнта Максім Рыжанкоў.

"З некалькіх кандыдатур, якія мне прапанаваны тыдзень таму, я выбіраю вас. Таму што ў вас значны жыццёвы шлях. Вельмі важна, каб міністр абавязкова папрацаваў і кіраўніком сельскагаспадарчага прадпрыемства. Гэта вельмі важна. Як і ў прамысловасці, калі міністр або віцэ-прэм'ер, каб яны прайшлі вось гэты шлях кіраўніка той ці іншай арганізацыі прамысловай. Дакладна гэтак і тут", - сказаў беларускі лідар.

Аляксандр Лукашэнка адзначыў, што ў Сяргея Барташа ёсць гэты вопыт. "Вы папрацавалі на ўзроўні сельгаспрадпрыемства. І аграномам вы былі, і на ўзроўні раённага звяна вы добра ведаеце ўсе працэсы. Больш таго, вы папрацавалі і на абласным узроўні, займаючыся пытаннямі сельскай гаспадаркі. Затым ужо на самым высокім узроўні - памочнікам Прэзідэнта. Гэта дало вам магчымасць ужо зверху паглядзець на тыя праблемы, якія сёння вырашаюцца ў вёсцы, і якія вы добра ведаеце, працуючы на зямлі. Таксама па ўзросце і па вопыце вы чалавек, які якраз падыходзіць на гэту пасаду. Гэта і абумовіла мой выбар у сувязі з назначэннем вас міністрам".

версія для друку

зрабіць стартавай

дабавіць у выбранае