Галоўныя навіны

Лукашэнка прымае ўдзел у саміце АДКБ у Бішкеку

27 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка ў Бішкеку прымае ўдзел у саміце Арганізацыі Дагавора аб калектыўнай бяспецы, перадае карэспандэнт БЕЛТА.

Кіраўнік беларускай дзяржавы прыбыў да месца правядзення саміту ў адміністрацыйным будынку "Ынтымак ардо", дзе яго вітаў Прэзідэнт Кыргызстана Садыр Жапараў.

Гэты будынак - новы архітэктурны сімвал Кыргызстана. Назва мае глыбокае значэнне. "Ынтымак" азначае "мір, дружба і адзінства", а "ардо" - гэта месца і цэнтр, дзе прымаюцца і рэалізуюцца стратэгічна важныя рашэнні, якія вызначаюць будучыню краіны.

Лідары краін на саміце падвядуць вынікі дзейнасці АДКБ у міжсесіённы перыяд, разгледзяць праблемы міжнароднай і рэгіянальнай бяспекі. У сваім выступленні Аляксандр Лукашэнка выкажацца па актуальных пытаннях забеспячэння калектыўнай бяспекі на еўразійскай прасторы, акрэсліць напрамкі, якія патрабуюць асаблівай увагі партнёраў.

Сярод дакументаў, якія трэба прыняць, - падагульняючая дэкларацыя Савета калектыўнай бяспекі, рашэнні, якія датычацца забеспячэння бягучай дзейнасці арганізацыі, умацавання супрацоўніцтва ў процідзеянні незаконнаму абароту наркотыкаў і незаконнай міграцыі.

Чакаецца, што на саміце таксама будзе прынята рашэнне па кандыдатуры новага генеральнага сакратара АДКБ. Паўнамоцтвы цяперашняга кіраўніка сакратарыята, прадстаўніка Казахстана Імангалі Тасмагамбетава, заканчваюцца 31 снежня бягучага года. Чакаецца, што на наступны трохгадовы тэрмін гэту пасаду зойме прадстаўнік Кыргызстана Таалатбек Масадыкаў, які цяпер працуе на пасадзе намесніка генеральнага сакратара АДКБ.

версія для друку

зрабіць стартавай

дабавіць у выбранае