Галоўныя навіны

Лукашэнка прыехаў на спартыўна-забаўляльнае шоу "Час нашых перамог" у "Мінск-Арэне"

7 снежня, Мінск /Кар. БЕЛТА/. Прэзідэнт Беларусі Аляксандр Лукашэнка прыехаў у "Мінск-Арэну", дзе праходзіць маштабнае спартыўна-забаўляльнае шоу "Час нашых перамог", перадае карэспандэнт БЕЛТА.

Кіраўнік дзяржавы разам з 7 тысячамі гледачоў назірае за яркім, маляўнічым паказам.

Асноўная ідэя мерапрыемства - яднанне і аб'яднанне. На гэтым будуецца і канцэпцыя шоу, якая непасрэдна пераклікаецца з назвай - "Час нашых перамог". Праграма дзеліцца на 12 тэматычных блокаў - па аналогіі з цыферблатам: "Час марыць", "Час любіць", "Час ствараць", "Час сябраваць". Заключным блокам стане "Час нашых перамог".

У праграме выступленні вядомых беларускіх спартсменаў і артыстаў, а таксама гасцей з Расіі і Кітая. Гэта першы праект такога маштабу. Арганізатары называюць яго часткова эксперыментальным. Менавіта таму на яго нельга было набыць білеты. На спартыўна-забаўляльнае шоу запрасілі ў асноўным студэнцкую і рабочую моладзь. Але калі ўсё атрымаецца так, як задумваецца, "Час нашых перамог" атрымае працяг і яго змогуць убачыць больш беларусаў.

версія для друку

зрабіць стартавай

дабавіць у выбранае