У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

26 Сак 2016

Лукашэнка пажадаў кожнаму верніку радасці Уваскрэсення Хрыстовага

26 сакавіка, Мінск /Кар. БЕЛТА/. Прэзідэнт Аляксандр Лукашэнка 27 сакавіка павіншаваў хрысціян Беларусі, якія святкуюць Вялікдзень, і пажадаў кожнаму верніку радасці Уваскрэсення Хрыстовага. Аб гэтым БЕЛТА паведамілі ў прэс-службе беларускага лідара.

"Няхай радасць Уваскрэсення спадарожнічае кожнаму верніку ў справе духоўнага ўдасканалення, садзейнічае творчым здабыткам, усебакова абнаўляе наша жыццё ў імя высокіх ідэалаў", - гаворыцца ў віншаванні.

Аляксандр Лукашэнка адзначыў, што вясенняе абуджэнне прыроды нагадвае нам аб вялiкай падзеi для кожнага хрысціяніна - ва ўсе часы Уваскрэсенне Хрыстова з'яўляецца сімвалам надзеі і веры. "Велікодныя дні напоўнены ўрачыстасцю і святлом хрысціянскай любові. Вялікае свята зноў заклікае задумацца над сэнсам жыцця, усвядоміць высокае прызначэнне чалавека. Гэта час шчырай малітвы, добрых учынкаў і міласэрных спраў", - падкрэсліваецца ў віншаванні.

Прэзідэнт Беларусі ад усёй душы пажадаў суайчыннікам моцнага здароўя, цеплыні сямейнага ачага, міру і згоды, поспехаў у працоўнай дзейнасці.

Віншаванне Прэзідэнта Беларусі з Уваскрэсеннем Хрыстовым

Хрысціянам Беларусі,

якія святкуюць Вялікдзень

27 сакавіка 2016 года

Дарагія суайчыннікі!

Віншую Вас з Вялікаднем.

Вясенняе абуджэнне прыроды нагадвае нам аб вялiкай падзеi для кожнага хрысціяніна - ва ўсе часы Уваскрэсенне Хрыстова з'яўляецца сімвалам надзеі і веры.

Велікодныя дні напоўнены ўрачыстасцю і святлом хрысціянскай любові. Вялікае свята зноў заклікае задумацца над сэнсам жыцця, усвядоміць высокае прызначэнне чалавека. Гэта час шчырай малітвы, добрых учынкаў і міласэрных спраў.

Няхай радасць Уваскрэсення спадарожнічае кожнаму верніку ў справе духоўнага ўдасканалення, садзейнічае творчым здабыткам, усебакова абнаўляе наша жыццё ў імя высокіх ідэалаў.

Ад усёй душы жадаю Вам моцнага здароўя, цеплыні сямейнага ачага, міру і згоды, поспехаў у працоўнай дзейнасці.

Аляксандр Лукашэнка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс