Галоўныя навіны

27 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў прэзідэнта Нацыянальнай акадэміі навук Украіны Барыса Патона са 100-годдзем. Аб гэтым БЕЛТА паведамілі ў прэс-службе беларускага лідара.

"Вы ўнікальны чалавек. Сустракаеце свой векавы юбілей, узначальваючы Нацыянальную акадэмію навук Украіны", - гаворыцца ў віншаванні.

Кіраўнік дзяржавы адзначыў, што ўсё жыццё прэзідэнта Нацыянальнай акадэміі навук Украіны непарыўна звязана з гісторыяй развіцця савецкай і ўкраінскай навукі: "Шлях вучонага з сусветным імем, акадэміка, грамадскага дзеяча - гэта яркі прыклад нястомнай стваральнай працы, адданасці і служэння сваёй справе".

"Перакананы, што Вашы міжнародны аўтарытэт, багацейшы вопыт, жыццёвая мудрасць і веды будуць і далей садзейнічаць паспяховаму навукова-тэхнічнаму супрацоўніцтву вучоных нашых краін", - падкрэсліў Прэзідэнт Беларусі.

Аляксандр Лукашэнка пажадаў Барысу Патону добрага здароўя, бадзёрасці, невычэрпнага натхнення, міру і дабрабыту.