VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

16 Снж 2016

Лукашэнка патрабуе ад кантралюючых органаў дзейнічаць акуратна і справядліва

Лукашэнка патрабуе ад кантралюючых органаў дзейнічаць акуратна і справядліва

16 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка патрабуе ад кантралюючых органаў краіны дзейнічаць у сваёй рабоце акуратна і справядліва. Аб гэтым кіраўнік дзяржавы заявіў сёння на нарадзе аб выніках праверкі дзейнасці Камітэта дзяржаўнага кантролю, перадае карэспандэнт БЕЛТА.

"Вы ведаеце мае ўстаноўкі адносна эфектыўнасці выкарыстання бюджэтных сродкаў і дзяржаўнай уласнасці. Рацыянальнае расходаванне кожнага бюджэтнага рубля - гэта і залог бяспекі нашай краіны, - сказаў Прэзідэнт. - Жыццё вымушае нас лічыць кожную капейку і быць максімальна эфектыўнымі".

Аляксандр Лукашэнка адзначыў, што кантраляваць расходы бюджэту і выкарыстанне дзяржмаёмасці аб'ектыўна неабходна і гэта адна з важнейшых функцый дзяржавы. "Але трэба дзейнічаць акуратна і справядліва. Пакаранне пакаранню не роўнае - ад заўвагі да буйных штрафных санкцый і крымінальных спраў. Але калі мы бачым памылкі, дробныя парушэнні, то гэтыя штрафы і пакаранні не павінны весці да краху або ліквідацыі прадпрыемстваў, якія гадамі папаўнялі бюджэт падаткамі", - падкрэсліў кіраўнік дзяржавы.

Лукашэнка патрабуе ад кантралюючых органаў дзейнічаць акуратна і справядліваПрэзідэнт прывёў адзін з прыкладаў, калі "Белкамунмаш" па тэхнічнай прычыне не даплаціў 91 кап. падаткаў, за што падатковыя органы на некалькі дзён арыштавалі прамысловаму гіганту рахункі. У выніку прадпрыемства пацярпела страты. "Гэта ў інтарэсах дзяржавы і ці думалі тыя людзі, якія блакіравалі разліковы рахунак прадпрыемства?" - задаў ён рытарычнае пытанне.

"Трэба дзейнічаць па-дзяржаўнаму! Гэта датычыцца ўсіх кантралюючых органаў, а Камітэта дзяржкантролю ў першую чаргу. Паколькі ён надзелены шырокімі паўнамоцтвамі па ажыццяўленні кантрольнай, фіскальнай, праваахоўнай дзейнасці і фінансавай разведкі, - падкрэсліў беларускі лідар. - Бяздумны падыход у рабоце кантралёраў недапушчальны ў прынцыпе".

Лукашэнка патрабуе ад кантралюючых органаў дзейнічаць акуратна і справядліваАляксандр Лукашэнка звярнуў увагу, што непасрэдная падначаленасць Прэзідэнту і напрацаваны гадамі аўтарытэт прадвызначаюць асаблівы статус Камітэта, з якім сёння лічацца. "Гэта цэнтральны орган ва ўсёй сістэме кантрольна-наглядных органаў. І ваша работа павінна быць прыкладам для ўсіх кантралёраў", - адзначыў Прэзідэнт.

Лукашэнка патрабуе ад кантралюючых органаў дзейнічаць акуратна і справядліва"Утойваць не буду, асобныя факты, выкладзеныя ў матэрыялах праверкі, выклікаюць у мяне сур'ёзную заклапочанасць: прыпіскі, справакаваныя адсутнасцю самакантролю, карупцыйныя праявы ў дзейнасці супрацоўнікаў дзяржкантролю, павярхоўнае стаўленне да справы і гэтак далей, - сказаў кіраўнік дзяржавы. - Хачу сказаць галоўнае - падрываць свой аўтарытэт органам дзяржкантролю нельга ні ў якім выпадку. Інакш мы страцім кантроль над важнейшымі напрамкамі развіцця краіны".

Праверка эфектыўнасці работы органаў дзяржаўнага кантролю праводзілася міжведамаснай групай пад кіраўніцтвам генеральнага пракурора па даручэнні Прэзідэнта Беларусі. "У бягучым годзе гэта не першае такое мерапрыемства. Па адпаведных напрамках вывучалася дзейнасць самой пракуратуры і іншых органаў улады. Усюды ёсць свае недахопы, якія трэба ўстараняць, адначасова нацэльваючыся на далейшае ўдасканаленне работы", - адзначыў Аляксандр Лукашэнка.

"У Беларусі няма закрытых тэм і быць не можа. Усе знаходзяцца перад законам у роўных умовах. Таму перыядычна мы разглядаем работу вышэйшых службовых асоб і напрамкі дзейнасці, якія яны ўзначальваюць, - падкрэсліў Прэзідэнт. - Назначаючы гэтыя праверкі, я хачу зразумець, наколькі аптымальнай з'яўляецца цяперашняя схема размеркавання функцый паміж дзяржаўнымі органамі і ці эфектыўна гэтыя функцыі рэалізуюцца".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход