Галоўныя навіны

Аляксандр Лукашэнка лічыць, што апошнія шэсць гадоў былі "найбольш бурнымі ў адносінах паміж Беларуссю і Азербайджанам". "У гэты час мы закладвалі аснову моцных, фундаментальных адносін, за што я вам удзячны", - сказаў кіраўнік дзяржавы.

Ён адзначыў, што гэтымі днямі адбыўся яго візіт у Баку. "Мы вярнуліся з вашай радзімы. Думаю, што Беларусь стане вашай другой радзімай, бо вы тут прапрацавалі амаль 6 гадоў. Яшчэ не было такога выпадку, каб пасол, прапрацаваўшы столькі гадоў, паехаў, не адчуўшы Беларусь сваёй другой радзімай", - сказаў беларускі лідар.

У сваю чаргу пасол Азербайджана адзначыў, што ў час сваёй дыпламатычнай місіі вялікую ўвагу ў тым ліку ўдзяляў развіццю беларуска-азербайджанскіх культурных сувязей. У прыватнасці, займаўся перакладамі твораў беларускіх класікаў, каб бліжэй пазнаёміць азербайджанцаў з беларускай літаратурай і культурай, што ў цэлым садзейнічае ўмацаванню ўзаемаразумення паміж народамі.

Як паведамілі БЕЛТА ў прэс-службе Прэзідэнта, з улікам дасягнутых на вышэйшым узроўні дамоўленасцей Беларусь і Азербайджан маюць намер нарасціць узаемны тавараабарот да $700 млн, таму вялікую ўвагу ў будучым годзе трэба ўдзяліць менавіта развіццю гандлёва-эканамічнага супрацоўніцтва. Садзейнічаць вырашэнню гэтай задачы будзе новы пасол Азербайджана, які ў бліжэйшы час прыбудзе ў Мінск.