Галоўныя навіны

Лукашэнка: ніякай вайны з тэрыторыі Беларусі не ідзе

27 лютага, Мінск /Кар. БЕЛТА/. Ніякай вайны з тэрыторыі Беларусі не ідзе. Аб гэтым Прэзідэнт Беларусі Аляксандр Лукашэнка заявіў сёння журналістам пасля галасавання на рэферэндуме па абноўленай Канстытуцыі, перадае карэспандэнт БЕЛТА.

"Цяпер і тады мы не ваюем супраць іх: у гэтым няма ніякай неабходнасці. Ніякія ракеты з нашай тэрыторыі туды не лятаюць і не трэба, - заявіў Аляксандр Лукашэнка. - Кіеў акружаны, гарады гэтыя акружаны. Недзе яны занялі (расіяне - Заўвага БЕЛТА) гарады. Навошта з тэрыторыі Беларусі за 200-300-400 кіламетраў рабіць адстрэлы? Гэта вар'яцтва".

"Таму гэта хлусня. Ніякай вайны з тэрыторыі Беларусі не ідзе. Ці дапамагаем мы расіянам? Вядома, дапамагаем. Параненыя, загінулыя людзі... Калі да нас звяртаюцца з цяжкімі раненнямі, мы іх лечым. І што ў гэтым дрэннага? І будзем лячыць, будзем падтрымліваць, - падкрэсліў кіраўнік дзяржавы. - Таму не трэба на нас нападаць і з "Квартала 95" нейкім голасам падаваць, што вы, беларусы, зрабіце правільны выбар. Ты разбярыся ў сябе са сваім выбарам!"

версія для друку

зрабіць стартавай

дабавіць у выбранае