У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

4 Стд 2016

Лукашэнка: Калядны міжнародны турнір аматараў хакея набыў шырокую папулярнасць

Лукашэнка: Калядны міжнародны турнір аматараў хакея набыў шырокую папулярнасць

4 студзеня, Мінск /Кар. БЕЛТА/. Калядны міжнародны турнір аматараў хакея на прыз Прэзідэнта Беларусі набыў шырокую папулярнасць. Аб гэтым сёння заявіў кіраўнік дзяржавы Аляксандр Лукашэнка, адкрываючы спаборніцтвы ў спартыўным комплексе "Чыжоўка-Арэна", перадае карэспандэнт БЕЛТА.

Новы спартыўны год у Беларусі па добрай традыцыі стартуе з унікальных спаборніцтваў, лядовыя арэны сталіцы дванаццаты раз прымаюць удзельнікаў і балельшчыкаў Каляднага міжнароднага турніру аматараў хакея. "Гэтыя спаборніцтвы ўжо сталі своеасаблівай візітнай карткай нашай дзяржавы, набылі шырокую папулярнасць у многіх краінах, стаўшы неафіцыйным чэмпіянатам свету па хакеі сярод аматараў", - адзначыў Аляксандр Лукашэнка.

Лукашэнка: Калядны міжнародны турнір аматараў хакея набыў шырокую папулярнасцьЗа галоўны трафей гэтага турніру будуць спаборнічаць прадстаўнікі Беларусі, Германіі, Аб'яднаных Арабскіх Эміратаў, Расіі, Славакіі, Фінляндыі, Швейцарыі, Швецыі. "Усе яны не навічкі і спрабавалі ўжо свае сілы на мінскім ільдзе. У складзе гэтых дружын знакамітыя ігракі, якія вызначыліся на спаборніцтвах самага высокага ўзроўню. І нам вельмі прыемна зноў прымаць іх у сябе ў гасцях", - сказаў кіраўнік дзяржавы.

Лукашэнка: Калядны міжнародны турнір аматараў хакея набыў шырокую папулярнасцьАдметнай рысай беларускага турніру Прэзідэнт назваў сур'ёзны спартыўны складнік, дух сапраўднай барацьбы і самае важнае - пераемнасць прафесійнага і масавага спорту. "Галоўная мэта такіх аматарскіх матчаў - гэта перш за ўсё ўмацаванне дружалюбных адносін паміж краінамі-ўдзельніцамі. Бо, як вядома, спорт - лепшая форма народнай дыпламатыі!" - падкрэсліў Аляксандр Лукашэнка.

Лукашэнка: Калядны міжнародны турнір аматараў хакея набыў шырокую папулярнасць"Усіх нас аб'ядноўвае шчырая любоў да гэтага віду спорту, імкненне развіваць у сабе лепшыя якасці, уласцівыя яму, - мужнасць, стойкасць, мэтанакіраванасць. Нездарма ў народзе трывала замацаваўся крылаты выраз трус у хакей не гуляе", - заўважыў Прэзідэнт.

Калядны турнір выдатны яшчэ і тым, што ў ім не бывае прайграўшых: выйграюць і ўдзельнікі, і балельшчыкі.

Лукашэнка: Калядны міжнародны турнір аматараў хакея набыў шырокую папулярнасцьАляксандр Лукашэнка выказаў упэўненасць, што гэтыя спаборніцтвы стануць не толькі яркім і відовішчным святам, але і школай майстэрства для соцень юных спартсменаў. Кіраўнік дзяржавы ад усёй душы павіншаваў удзельнікаў турніру і балельшчыкаў з Новым годам і Калядамі. Усім гледачам Прэзідэнт пажадаў радасных эмоцый і святочнага настрою, а камандам - удалай, сумленнай і рэзультатыўнай гульні. "І няхай пераможа наймацнейшы!" - дадаў Аляксандр Лукашэнка. На заканчэнне кіраўнік дзяржавы аб'явіў Калядны міжнародны турнір адкрытым.

XII Калядны міжнародны турнір праходзіць з 4 па 7 студзеня.

Лукашэнка: Калядны міжнародны турнір аматараў хакея набыў шырокую папулярнасцьУ заключны дзень спаборніцтваў дружыны, якія зоймуць у сваіх групах другія месцы, сустрэнуцца ў матчы за бронзавыя ўзнагароды, пераможцы паспаборнічаюць у вырашальным паядынку за галоўны прыз. Абедзве медальныя сустрэчы адбудуцца на галоўнай пляцоўцы "Чыжоўка-Арэны".

Мінулыя гады пераможцам Каляднага міжнароднага турніру восем разоў станавілася каманда Прэзідэнта Беларусі (2005, 2006, 2008, 2009, 2010, 2012, 2013, 2014). Тройчы поспех святкавала расійская дружына (2007, 2011, 2015).

Арганізатарамі турніру традыцыйна з'яўляюцца Прэзідэнцкі спартыўны клуб, асацыяцыя "Федэрацыя хакея Беларусі", Міністэрства спорту і турызму, Мінскі гарадскі выканаўчы камітэт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс