Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

25 Dec 2020

Лукашэнка: галоўным прынцыпам вакцынацыі ад каранавіруса будзе добраахвотнасць

Лукашэнка: галоўным прынцыпам вакцынацыі ад каранавіруса будзе добраахвотнасць

25 снежня, Мінск /Кар. БЕЛТА/. Галоўным прынцыпам вакцынацыі ад каранавіруса ў Беларусі будзе добраахвотнасць. Аб гэтым Прэзідэнт Беларусі Аляксандр Лукашэнка заявіў у час сустрэчы з прадстаўнікамі працоўнага калектыву Гарадской дзіцячай інфекцыйнай клінічнай бальніцы Мінска, перадае карэспандэнт БЕЛТА.

Кіраўнік дзяржавы растлумачыў, што ў краіне плануецца выкарыстоўваць для вакцынацыі некалькі прэпаратаў розных вытворцаў. "Мы плануем (прышчапіць. - Заўвага БЕЛТА) 1,2 млн. А колькі будзе, залежыць ад вас. Можа, і два мільёны. Залежыць ад таго, як людзі пойдуць на гэта. Хочуць вакцынавацца - калі ласка, мы прадаставім магчымасць. Прытым плануем выбар вакцын", - растлумачыў Прэзідэнт.

Раней за ўсё пачнуць прышчэпліваць расійскай вакцынай, якую Беларусь плануе закупіць, а таксама вырабляць на айчынных прадпрыемствах. Будзе прадастаўлена і магчымасць зрабіць прышчэпку вакцынамі іншых краін і вытворцаў. Гэта дапаможа вызначыцца з тым, якая з вакцын найбольш эфектыўная. "Каб не было крытыкі з вашага боку, - заўважыў беларускі лідар. - І ніхто ж не ведае, якая лепшая на сёння вакцына. Мы плануем 5-6 вакцын. У залежнасці ад таго, як дамовімся. Цяпер гэта вялікі дэфіцыт".

Аляксандр Лукашэнка прызнаўся, што ён асабіста адносіцца да катэгорыі скептыкаў, якія лічаць, што пры нармальным ладзе жыцця чалавек мае ў прынцыпе дастатковы імунітэт для супрацьстаяння многім захворванням. Аднак для тых, хто хоча абараніць сябе вакцынай, такая магчымасць будзе прадастаўлена. "Вакцынацыя будзе. Захочаце - вакцынуйцеся, не захочаце - нікога прымушаць не будзем. Вырашайце самі", - заявіў Прэзідэнт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі