Галоўныя навіны

Лукашэнка: Дзень народнага адзінства - удзячнасць сучаснікаў папярэднім пакаленням, якія адстаялі права самім вызначаць свой лёс

17 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчыннікаў з Днём народнага адзінства. Аб гэтым карэспандэнту БЕЛТА паведамілі ў прэс-службе беларускага лідара.

"На сваім тысячагадовым шляху да самавызначэння беларускі народ дастойна пераадолеў шматразовыя спробы пазбавіць яго гістарычнай перспектывы, культурнай і духоўнай самабытнасці. Дата 17 верасня 1939 года - сімвал гістарычнага афармлення беларускай нацыі і шчырага імкнення беларусаў, падзеленых паняволі, жыць адной сям'ёй ва ўласным доме", - адзначыў кіраўнік дзяржавы.

У віншаванні гаворыцца, што, набыўшы цэласнае і непаўторнае аблічча ўтульнай і гасціннай краіны ў цэнтры Еўропы, уз'яднаная Беларусь стала месцам сілы для мільёнаў грамадзян, якія з гонарам выстаялі ў складаных перапетыях XX стагоддзя і сёння стаяць на варце суверэнітэту і незалежнасці роднай зямлі.

"Дзень народнага адзінства - удзячнасць сучаснікаў папярэднім пакаленням, якія адстаялі права самім вызначаць свой лёс. Ён усяляе гонар за краіну і дае ўсведамленне таго, што беларусы - адзіны народ, - адзначыў Прэзідэнт. - У гэтым заключаюцца асновы стабільнасці і дабрабыту сучаснай беларускай дзяржавы. Аб'яднаныя марай аб паспяховай і працвітаючай Беларусі, атрымліваючы ўрокі з нашай гісторыі, мы ў міры і згодзе стваральнай працай будуем агульную будучыню".

Як падкрэсліў Аляксандр Лукашэнка, умацоўваючы беларускую дзяржаўнасць, разам прадаўжаем свой шлях да новых вяршынь і яркіх перамог, якімі будуць ганарыцца нашы нашчадкі. Кіраўнік дзяржавы пажадаў усім моцнага здароўя, шчасця і дабрабыту.

Віншаванне Прэзідэнта Беларусі з Днём народнага адзінства

Дарагія суайчыннікі!

Віншую вас з Днём народнага адзінства.

На сваім тысячагадовым шляху да самавызначэння беларускі народ дастойна пераадолеў шматразовыя спробы пазбавіць яго гістарычнай перспектывы, культурнай і духоўнай самабытнасці.

Дата 17 верасня 1939 года - сімвал гістарычнага афармлення беларускай нацыі і шчырага імкнення беларусаў, падзеленых паняволі, жыць адной сям'ёй ва ўласным доме.

Набыўшы цэласнае і непаўторнае аблічча ўтульнай і гасціннай краіны ў цэнтры Еўропы, уз'яднаная Беларусь стала месцам сілы для мільёнаў грамадзян, якія з гонарам выстаялі ў складаных перапетыях XX стагоддзя і сёння стаяць на варце суверэнітэту і незалежнасці роднай зямлі.

Дзень народнага адзінства - удзячнасць сучаснікаў папярэднім пакаленням, якія адстаялі права самім вызначаць свой лёс. Ён усяляе гонар за краіну і дае ўсведамленне таго, што беларусы - адзіны народ. У гэтым заключаюцца асновы стабільнасці і дабрабыту сучаснай беларускай дзяржавы.

Аб'яднаныя марай аб паспяховай і працвітаючай Беларусі, атрымліваючы ўрокі з нашай гісторыі, мы ў міры і згодзе стваральнай працай будуем агульную будучыню.

Умацоўваючы беларускую дзяржаўнасць, разам прадаўжаем свой шлях да новых вяршынь і яркіх перамог, якімі будуць ганарыцца нашы нашчадкі.

Жадаю ўсім моцнага здароўя, шчасця і дабрабыту.

Аляксандр Лукашэнка.

17 верасня 2022 г.

версія для друку

зрабіць стартавай

дабавіць у выбранае