У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

19 Ліс 2019

Лукашэнка даручыў напярэдадні Алімпіяды ўзяць кожнага алімпійца на індывідуальны кантроль

Лукашэнка даручыў напярэдадні Алімпіяды ўзяць кожнага алімпійца на індывідуальны кантроль
19 лістапада, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка даручыў напярэдадні летніх Алімпійскіх гульняў 2020 года ў Токіа ўзяць кожнага алімпійца на індывідуальны кантроль. Аб гэтым ён заявіў сёння на Алімпійскім сходзе НАК Беларусі, перадае карэспандэнт БЕЛТА.

"Важна падвесці кожнага спартсмена да максімальнага выніку. Мэтанакіравана рыхтаваць да жорсткай барацьбы. Забяспечыць усім неабходным на заключным этапе падрыхтоўкі. Кожнага алімпійца ўзяць на індывідуальны кантроль: медыцынскі, псіхалагічны і гэтак далей", - сказаў кіраўнік дзяржавы.

Аляксандр Лукашэнка адзначыў, што, як яму дакладваюць, цяпер 63 беларускія спартсмены заваявалі права выступіць на Алімпіядзе ў Токіа, а плануецца больш за 100. "Але якая колькасць гэтых ліцэнзій трансфармуецца ў медальную якасць? Саперніцтва ва ўсіх відах каласальнае, - адзначыў беларускі лідар. - І чаму з кожнай Алімпіядай колькасць нашых алімпійскіх квот зніжаецца? У Пекіне - 177, у Лондане - 161, у Рыа-дэ-Жанэйра - 123. Такая ж сыходная крывая і ў колькасці заваяваных беларусамі медалёў".

Прэзідэнт таксама пацікавіўся, у якіх умовах праходзіць падрыхтоўка членаў нацыянальных каманд у рэгіёнах, як працуе спартыўная вертыкаль на месцах. "Забяспечанасць дзіцячых спартыўных школ інвентаром, трэнерскімі кадрамі і падрыхтоўка рэзерву - гэта таксама ўклад у алімпійскія медалі", - упэўнены кіраўнік дзяржавы.

"Безумоўна, у нас ёсць таленавітыя спартсмены і трэнеры, неабходная матэрыяльна-тэхнічная база. Важна толькі разумна і эфектыўна распарадзіцца сваімі магчымасцямі, - падкрэсліў Прэзідэнт. - А ўрад, Мінспорту і НАК павінны ўзяць на строгі кантроль гэтыя пытанні. А вам, Наталля Іванаўна (кіраўнік Адміністрацыі Прэзідэнта Наталля Качанава. - Заўвага БЕЛТА), трэба, каб яны прыходзілі і дакладвалі штомесяц аб тым, што адбываецца. І паклалі вам на стол спіс спартсменаў, якія прынясуць медалі. А вы спытаеце, што для іх зрабілі і для гэтых трэнераў, і чаго не хапае. Толькі так. Інакш быць не можа".

"Тады будуць і грошы, і кватэры, і слава, і медалі, і ордэны. Толькі вынік! За вынік будзе адпаведная плата", - дадаў Прэзідэнт.

Ён заклікаў удзельнікаў мерапрыемства даць глыбокі аналіз стану спраў, абазначаць праблемы і ўносіць дакладныя і канкрэтныя прапановы: "Калі трэба - адразу тут прымем неабходныя рашэнні на ўзроўні кіраўніка дзяржавы. Чакаю прадметнай размовы, без непатрэбных самасправаздач і папулізму".

"У Японіі трэба паказаць максімальны вынік. Гэта нават не пытанне аддачы за ўкладзеныя ў вашу падрыхтоўку намаганні і сродкі. Гэта, перш за ўсё, пытанне адказнасці перад краінай, перад народам, які верыць у сваіх спартсменаў і чакае гучных перамог. Вось аб чым вы павінны памятаць, выходзячы на алімпійскія арэны. Гэта мой галоўны пасыл алімпійцам і ўсім вам", - рэзюмаваў Аляксандр Лукашэнка.

Лукашэнка: калі на Алімпіядзе ў Токіа не будзе рэзультату, ніхто ў спорце з функцыянераў не затрымаецца

19 лістапада, Мінск /Уладзімір Мацвееў - БЕЛТА/. Калі на Алімпіядзе ў Токіа ў 2020 годзе не будзе рэзультату, ніхто ў спорце з функцыянераў і чыноўнікаў не затрымаецца. Аб гэтым Прэзідэнт Беларусі Аляксандр Лукашэнка заявіў сёння на Алімпійскім сходзе НАК Беларусі, перадае карэспандэнт БЕЛТА.

"Таму падумайце, перш чым туды ехаць галоўнымі трэнерамі, саветнікамі, спецыялістамі... Ці варта вам туды ехаць наогул. Таму што калі вы турыстамі туды з'ездзіце і вернецеся ні з чым, лепш у краіну не вяртайцеся. Гэта я вам гавару як Прэзідэнт краіны, а не кіраўнік грамадскай арганізацыі. Разумейце мяне як хочаце", - сказаў беларускі лідар.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс